ರಾಷ್ಟ್ರಪತಿ ಐಭೋಗದ ಕಾರಿನ ಮೇಲೆ ವರುಣ್ ನಗೆ ಬಾಂಬ್

ನವದೆಹಲಿ, ಅ.7: ದೇಶದ ಪ್ರಥಮ ಪ್ರಜೆ ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಗೆ ಮರ್ಸಿಡಿಸ್ ಬೆಂಝ್ ಎಸ್600ಎಲ್ ಪಾಲ್ ಮ್ಯಾನ್ ಕಾರು ಪಡೆದಿರುವ ಬಗ್ಗೆ ವರುಣ್ ಟೀಕೆಗೆ ಕಾಂಗ್ರೆಸ್ ಕಿಡಿಕಾರಿದೆ.

ಬಡತನದ ರೇಖೆಗಿಂತ ಕೆಳಗಿರುವ ಆರ್ಥಿಕವಾಗಿ ದುರ್ಬಲರಾದ ಜನರಿಗೆ ದಿನಕ್ಕೆ 32 ರೂ. ಸಾಕು ಎಂದು ಕೇಂದ್ರ ಸರ್ಕಾರ, ಯೋಜನಾ ಆಯೋಗ ಟೀಕೆಗೆ ಗುರಿಯಾದ ಬೆನ್ನಲ್ಲೇ ಪ್ರತಿಭಾ ಪಾಟೀಲರ 6ಕೋಟಿ ವೆಚ್ಚದ ಕಾರಿನ ಬಗ್ಗೆ ವರುಣ್ ಗಾಂಧಿ ಟೀಕಿಸಿದ್ದರು.

ವರುಣ್ ಯೋಗ್ಯತೆ ಮೀರಿ ಮಾತನಾಡುವುದನ್ನು ಮೊದಲು ಬಿಡಬೇಕು. ರಾಷ್ಟ್ರಪತಿಗಳ ಸುರಕ್ಷತೆ ದೃಷ್ಟಿಯಿಂದ ಕಾರನ್ನು ಮೇಲ್ದರ್ಜೆಗೇರಿಸಲಾಗಿದೆ. ಇದಕ್ಕಾಗಿ ಪ್ರತಿಭಾ ಪಾಟೀಲ್ ಅವರನ್ನು ಟೀಕಿಸುವುದು ಸರಿಯಲ್ಲ ಎಂದು ಕಾಂಗ್ರೆಸ್ ವಕ್ತಾರರು ಹೇಳಿದ್ದಾರೆ.

ಸೂಪರ್ ಹೀರೋ ಬ್ಯಾಟ್ ಮನ್ ಗೆ ಹೇಳಿಮಾಡಿಸಿದಂಥ ಕಾರು ಕೊಂಡು ಪ್ರತಿಭಾಜೀ ಏನು ಮಾಡುತ್ತಾರೆ. ಆಮ್ ಆದ್ಮಿ ಗೆ 32 ರೂ ನೀಡಿ, ಐಷಾರಾಮಿ ಕಾರಿಗೆ 6 ಕೋಟಿ ನೀಡಿರುವುದು ದುರಂತವೇ ಸರಿ ಎಂದು ವರುಣ್ ಗಾಂಧಿ ಟ್ವೀಟ್ ಮಾಡಿದ್ದರು.

ಫ್ಲ್ಯಾಟ್ ಟೈಯರ್ಸ್, ಸೆಲ್ಫ್ ಸೀಲಿಂಗ್ ಇಂಧನ ಟ್ಯಾಂಕ್, ಅಗ್ನಿ ನಿರೋಧಕ, ಬಾಂಬ್ ದಾಳಿ ನಿರೋಧಕ ..ಇರುವ ಕಾರು ಬ್ಯಾಟ್ ಮನ್ ಗಾ ಅಥವಾ ಪ್ರತಿಭಾ ಪಾಟೀಲ್ ಗಾ? ಎಂದು ಪ್ರಶ್ನಿಸಿದ್ದರು.

ಆದರೆ, ಈ ಬಗ್ಗೆ ರಾಷ್ಟ್ರಪತಿ ಅವರ ಕಚೇರಿಯಿಂದ ಯಾವುದೇ ಪ್ರತಿಕ್ರಿಯೆ ಹೊರ ಬಂದಿಲ್ಲ.

ಪ್ರಧಾನ ಮಂತ್ರಿಗಳು ಬಿಎಂಡಬ್ಲ್ಯು 7 ಸೀರಿಸ್ ನ ಬಿ5 ಶ್ರೇಣಿಯ ಎರಡು ಕಾರುಗಳನ್ನು ಬಳಸುತ್ತಾರೆ. ಈ ಹಿಂದೆ ಪ್ರಧಾನಿಯಾಗಿದ್ದ ವಾಜಪೇಯಿ ಹಿಂದೂಸ್ತಾನ್ ಮೋಟರ್ಸ್ ನ ವಿಶೇಷವಾಗಿ ನಿರ್ಮಿಸಿದ ಟಾಟಾ ಸಫಾರಿಯಂತಹ ಕಾರೊಂದನ್ನು ಬಳಸುತ್ತಿದ್ದರು.

English summary

BJP on Oct 5 criticised President Prathibha Patil for getting a Mercedes car worth Rs 6 crore for herself adding that it looked like the car was made for superhero Batman and also at a time when the country's BPL cap was fixed at Rs 32 per day.