173 ಸೈಟು ಗುಳಂ ಮಾಡಿದ ಬೆಂಗ್ಳೂರ್ ಶ್ರೀಮಂತ ರೆಡ್ಡಿ

ಬೆಂಗಳೂರು, ಅ.7: 2008ರ ಅಸೆಂಬ್ಲಿ ಚುನಾವಣೆಯ ಅತಿ ಶ್ರೀಮಂತ ಅಭ್ಯರ್ಥಿಯಾಗಿದ್ದ ಬಿಜೆಪಿಯ ಪ್ರಭಾವಿ ಜಿ ಪ್ರಸಾದ್ ರೆಡ್ಡಿ ಎಂಬಾತ ಹೌಸಿಂಗ್ ಸೊಸೈಟಿಗೆ ಸಬ್ಸಿಡಿ ದರದಲ್ಲಿ ಸರ್ಕಾರ ನೀಡಿದ ಜಾಗವನ್ನು ಮಾರಾಟ ಮಾಡಿ ಕೋಟ್ಯಂತರ ರೂಪಾಯಿ ಗಳಿಸಿದ ಪ್ರಕರಣವನ್ನು ದ ಹಿಂದೂ ಪತ್ರಿಕೆ ವರದಿ ಮಾಡಿದೆ.

2008ರಲ್ಲಿ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುವ ಮುನ್ನ 331 ಕೋಟಿ ರು ಆಸ್ತಿ ಘೋಷಣೆ ಮಾಡಿದ್ದ ಪ್ರಸಾದ್ ರೆಡ್ಡಿ ಈಗ ವೈಯ್ಯಾಲಿಕಾವಲ್ ಹೌಸ್ ಬಿಲ್ಡಿಂಗ್ ಕೋ-ಆಪರೇಟಿವ್ ಸೊಸೈಟಿ ಹೊಂದಿದ್ದು, ಆ ಮೂಲಕ ಭಾರೀ ಅವ್ಯವಹಾರ ನಡೆಸಿದ್ದಾರೆ ಎನ್ನಲಾಗಿದೆ.

ರೆಡ್ಡಿ ತನ್ನ ಸೊಸೈಟಿ ಮೂಲಕ 2004ರ ಎಪ್ರಿಲ್ 5, 7 ಮತ್ತು 17ರಂದು ನಾಗವಾರದಲ್ಲಿ ತಲಾ 2,400ಚದರ ಅಡಿ ಜಾಗದಂತೆ ಒಟ್ಟು 173 ನಿವೇಶನಗಳನ್ನು ಹಂಚಿದ. ರೆಡಿಗೆ ಈ ಜಾಗ ಸರ್ಕಾರದಿಂದ ಚದರ ಅಡಿಗೆ ಕೇವಲ 225 ರೂಪಾಯಿಗೆ ಲಭಿಸಿತ್ತು.

ಪ್ರಸಾದ್ ರೆಡ್ಡಿ ಸರ್ಕಾರವು 1986ರ ಫೆ. 2ರಂದು ಇದೇ ಸೊಸೈಟಿಗೆ ಸಬ್ಸಿಡಿ ದರದಲ್ಲಿ ಈ ಜಾಗ ನೀಡಿದ್ದು, ಇದನ್ನು ನಿಜವಾದ ಫಲಾನುಭವಿಗಳಿಗೆ ಹಂಚಲು ನಿರ್ದೇಶನ ನೀಡಲಾಗಿತ್ತು.

ಆದರೆ ಈ ರೆಡ್ಡಿ ಸೊಸೈಟಿ ನಿಯಮ/ಬೈಲಾಗಳನ್ನು ಉಲ್ಲಂಘಿಸಿ ಭಾರೀ ಹಣ ಪಡೆದು ಶ್ರೀಮಂತ ಡೆವಲಪರ್‍ಸ್‌ಗೆ ಮಾರಾಟ ಮಾಡಿದ್ದ ಎಂದು ಆರೋಪಿಸಲಾಗಿದೆ.

ಬ್ಯಾಂಕ್ ಹಣೆಗೂ ನಾಮ ಬಳಿದ ರೆಡ್ಡಿ?..ಓದಿ ಮುಂದೆ

English summary

Richest BJP candidate of 2008 assembly election Prasad Reddy in trouble. Reddy was allotted not less than 173 sites, measuring 2,400 sq. ft each, in Nagawara by the society for a throwaway price of Rs. 225 per sq. ft. breaking Societies rules.