ಯುವತಿಯ ಮೇಲೆ ಆಸಿಡ್ ದಾಳಿ: ಭಗ್ನ ಪ್ರೇಮ ಕಾರಣ?

ಜೈಪುರ, ಅ.5: ರಾಜಸ್ಥಾನದ ಬಿಲ್ವಾರಾ ಜಿಲ್ಲೆಯಲ್ಲಿ ಸೋಮವಾರ ರಾತ್ರಿ 19 ವರ್ಷದ ಯುವತಿಯ ಮೇಲೆ ಅಪರಿಚಿತ ಯುವಕನೊಬ್ಬ ಆಸಿಡ್ ಸುರಿದಿದ್ದು, ಆಕೆಗೆ ತೀವ್ರ ಸುಟ್ಟ ಗಾಯಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇದು ಭಗ್ನ ಪ್ರೇಮಿಯ ಕುಕೃತ್ಯವಾಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.

ಇಲ್ಲಿನ ಪ್ರತಾಪ್ ನಗರದಲ್ಲಿ 'ಗಾರ್ಬಾ' ನೃತ್ಯ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ವಾಪಸಾಗುತ್ತಿದ್ದ ವೇಳೆ ಸಂಗೀತಾ ಮೀನಾ ಎಂಬ ಯುವತಿಯ ಮೇಲೆ ಈ ದಾಳಿ ನಡೆದಿದೆ. 'ಕತ್ತಲಲ್ಲಿ ಯಾರೋ ಬಂದು ನನ್ನ ಮೇಲೆ ಆಸಿಡ್ ಸುರಿದಂತಾಯಿತು. ಆ ವ್ಯಕ್ತಿ ಮುಖವಾಡ ಧರಿಸಿದ್ದ' ಎಂದು ಬಾಧಿತ ಮೀನಾ ತಿಳಿಸಿದ್ದಾರೆ.

ಎಂಎ ವ್ಯಾಸಂಗ ಮಾಡುತ್ತಿರುವ ಮೀನಾಗೆ ಮುಖ, ಕತ್ತು, ಎದೆ ಭಾಗದಲ್ಲಿ ಸುಟ್ಟ ಗಾಯಗಳಾಗಿವೆ. ಆಕೆಯನ್ನು ತಕ್ಷಣ ಸ್ಥಳೀಯ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸರು ದಾಳಿಕೋರನ ಬೆನ್ನುಹತ್ತಿದ್ದು, ಶೀಘ್ರವೇ ಆರೋಪಿಯನ್ನು ಬಂಧಿಸುವ ಸಾಧ್ಯತೆ ಇದೆ.

English summary

A 19-year-old girl Sangeeta Meena, sustained severe burn injuries when an unidentified man threw acid on her in Rajasthan’s Bhilwara district. The girl sustained burns on her face, neck and chest and has been admitted to a government hospital in Bhilwara, some 250 km from Jaipur.