ಮಹಿಳೆ ಸ್ನಾನದ ವಿಡಿಯೋ ತೆಗೆದ ಬ್ರಿಟನ್ ವೈದ್ಯ ಬಾಳಿಗಾಗೆ ಸಜೆ

ಲೀಡ್ಸ್ (ಇಂಗ್ಲೆಂಡ್), ಸೆ.2‌3: ಸಹೋದ್ಯೋಗಿ ಮಹಿಳಾ ವೈದ್ಯರು ಸ್ನಾನ ಮಾಡುವ ಚಿತ್ರಗಳನ್ನು ತೆಗೆಯಲು ಸ್ನಾನ ಗೃಹಗಳಲ್ಲಿ ರಹಸ್ಯ ಕ್ಯಾಮೆರಾಗಳನ್ನು ಅಳವಡಿಸಿದ್ದ ಭಾರತೀಯ ಮೂಲದ ಹೃದ್ರೋಗ ತಜ್ಞರೊಬ್ಬರು ಇಂಗ್ಲೆಂಡ್‌ನಲ್ಲಿ 10 ವರ್ಷಗಳ ಸುಧಾರಣಾ ಕಟ್ಟುಪಾಡು ಜೈಲುಶಿಕ್ಷೆಗೆ ಗುರಿಯಾಗಿದ್ದಾರೆ.

'33 ವರ್ಷದ ವಿವೇಕ್ ಬಾಳಿಗಾ ಹವ್ಯಾಸ ಎಲ್ಲರನ್ನು ದಂಗುಬಿಡಿಸುವಂತಿದೆ. ಬಾಧಿತರು ಇದರ ಬಗ್ಗೆ ತುಂಬಾ ನೊಂದಿದ್ದಾರೆ' ಎಂದು ಲೀಡ್ಸ್ ಕ್ರೌನ್ ಕೋರ್ಟಿನ ನ್ಯಾಯಾಧೀಶರು ತೀರ್ಪು ನೀಡುವ ವೇಳೆ ಹೇಳಿದ್ದಾರೆ.

ಜತೆಗೆ, 10 ವರ್ಷಗಳ ಅವಧಿಯಲ್ಲಿ ಬಾಧಿತರನ್ನು ಬಾಳಿಗಾ ಸಂಪರ್ಕಿಸಬಾರದು ಹಾಗೂ ಆರೋಪಿಯು ಚಿತ್ರೀಕರಣ ಮಾಡುವಂತಹ ಯಾವುದೇ ಸಾಧನಗಳನ್ನು ಮುಟ್ಟುವಂತಿಲ್ಲ ಎಂದು ನ್ಯಾಯಾಲಯ ಸೂಚಿಸಿದೆ.

2007 ಮತ್ತು 2009 ನಡುವಣ ಅವಧಿಯಲ್ಲಿ ಪಿಎಚ್ ಡಿ ವ್ಯಾಸಂಗ ಮಾಡುತ್ತಿದ್ದ ಆರೋಪಿ ಬಾಳಿಗಾ, ಮಹಿಳಾ ವೈದ್ಯರ ಅಶ್ಲೀಲ ಚಿತ್ರಗಳನ್ನು ತೆಗೆದು ತನ್ನ ಲ್ಯಾಪ್‌ಟಾಪ್‌ನಲ್ಲಿ ದಾಖಲಿಸಿಡುತ್ತಿದ್ದ. ಅನುಮಾನ ಬಂದು ಒಮ್ಮೆ ಮಹಿಳಾ ವೈದ್ಯರೊಬ್ಬರು ಆರೋಪಿಯ ಲ್ಯಾಪ್‌ಟಾಪ್‌ ಜಾಲಾಡಿದಾಗ ಪ್ರಕರಣ ಬೆಳಕಿಗೆ ಬಂದಿತು ಎನ್ನಲಾಗಿದೆ.

English summary

An Indian-origin cardiologist, Vivek Baliga (33) who set up spy cameras in bathrooms to record images of his women colleagues, has been ordered to a 10-year sex offender treatment in Leeds (England).