ವೆಬ್ಸೈಟ್ಗೆ ಯುವತಿಯ ಅಶ್ಲೀಲ ಚಿತ್ರ: ಮಹಿಳಾ ಟೆಕ್ಕಿ ಸೆರೆ
ನನ್ನ ಹನಿಮೂನ್ ಯಾತ್ರೆ ವೇಳೆ ಜವಳಿ ಅಂಗಡಿಯ ಮಾಲೀಕಳು ನನಗಾಗಿ ಕೆಲವು ಉಡುಪುಗಳನ್ನು ಕೊಟ್ಟಿದ್ದಳು. ಅದನ್ನು ಧರಿಸಿ ನೋಡಿದಾಗ ನನಗೆ ಭಾರಿ ನಿರಾಸೆಯಾಗಿತ್ತು ಎಂದು ಮೂಲತಃ ಮುಂಬಯಿಯವಳಾದ ಆರೋಪಿ ಟೆಕ್ಕಿ ಹೇಳಿದ್ದಾಳೆ. ಎಂ.ಟೆಕ್ ಓದಿರುವ ಈಕೆ ಕಲ್ಯಾಣಿನಗರದಲ್ಲಿರುವ ಪ್ರಸಿದ್ಧ ಐಟಿ ಸಂಸ್ಥೆಯೊಂದರಲ್ಲಿ ಉದ್ಯೋಗದಲ್ಲಿದ್ದಾಳೆ.
'ಒಂದೇ ಸಮನೆ ಅನಾಮಿಕ ಕರೆಗಳು ಬರತೊಡಗಿದವು. ಇದರಿಂದ ನಾನು ಗಾಬರಿ ಬಿದ್ದೆ. ಸಾವರಿಸಿಕೊಂಡು ವಿಚಾರಿಸಿದಾಗ ನನ್ನ ಫೋಟೋಗಳು ಮತ್ತು ಮೊಬೈಲ್ ನಂಬರ್ ವೆಬ್ಸೈಟ್ಗಳಲ್ಲಿ ಕಂಡುಬಂದವು' ಎಂದು ಬಾಧಿತ ಮಹಿಳೆ ಹೇಳಿಕೊಂಡಿದ್ದಾರೆ. ಮಹಿಳೆ ಇದನ್ನು ತನ್ನ ಪತಿರಾಯನಿಗೆ ತಿಳಿಸಿದಳು. ನಂತರ, ಇಬ್ಬರೂ ಸೈಬರ್ ಕ್ರೈಂ ಪೊಲೀಸರಿಗೆ ಕಳೆದ ಬುಧವಾರ ದೂರು ನೀಡಿದ್ದರು.
ಪೊಲೀಸರು ತನಿಖೆ ನಡೆಸಿದಾಗ ಮೂರೂ ವೆಬ್ಸೈಟ್ಗಳಿಗೆ ಒಂದೇ ಐಪಿ ವಿಳಾಸವಿರುವ ಕಂಪ್ಯೂಟರಿನಿಂದ ಬಾಧಿತ ಮಹಿಳೆಯ ಅಶ್ಲೀಲ ಚಿತ್ರಗಳು ಅಪ್ ಲೋಡ್ ಮಾಡಿರುವುದು ಪತ್ತೆಯಾಗಿದೆ. ತಕ್ಷಣ ಆ ವಿಳಾಸವನ್ನು ಬೆನ್ನುಹತ್ತಿದಾಗ ಸದರಿ ಮಹಿಳಾ ಟೆಕ್ಕಿ ಬಲೆಗೆ ಬಿದ್ದಿದ್ದಾಳೆ. ಮಹಿಳೆಯನ್ನು ಬಂಧಿಸಿರುವ ಪೊಲೀಸರು, ಆಕೆಯ ಲ್ಯಾಪ್ ಟಾಪ್ ವಶಪಡಿಸಿಕೊಂಡಿದ್ದಾರೆ.
Click it and Unblock the Notifications
Sign in with Google