ಕಾಲೇಜಲ್ಲೇ ವಿದ್ಯಾರ್ಥಿನಿ ಚೂಡಿದಾರ ಎಳೆದ ಕಾಮುಕರು

ಪುತ್ತೂರು, ಸೆ.7 : ಇಲ್ಲಿನ ಕಾಲೇಜು ವಿದ್ಯಾರ್ಥಿಗಳ ಎಗ್ಗಿಲ್ಲದೆ ಕಾಮಕೇಳಿ ಕಂಡು, ಕೇಳಿ ಇಡೀ ಜಿಲ್ಲೆಯೇ ತಲೆ ತಗ್ಗಿಸಿತ್ತು. ಈಗ ಕಾಲೇಜೊಂದರ ಆವರಣದಲ್ಲಿ ಮೂವರು ವಿದ್ಯಾರ್ಥಿಗಳು ಕಿರಿಯ ವಿದ್ಯಾರ್ಥಿನಿಯೊಬ್ಬಳ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ ಅಸಹ್ಯಕರ ಘಟನೆ ಬೆಳಕಿಗೆ ಬಂದಿದೆ.

ಸೋಮವಾರ ಸಂಜೆ ಕಾಲೇಜು ಮುಗಿದು ಎಲ್ಲರೂ ಮನೆಗೆ ಹೋದ ವೇಳೆ ಮೂವರು ವಿದ್ಯಾರ್ಥಿಗಳು, ತಮ್ಮ ಜೂನಿಯರ್ ವಿದ್ಯಾರ್ಥಿನಿಯೊಬ್ಬಳನ್ನು ಎಳೆತಂದು ಕಾಲೇಜು ಟಾಯ್ಲೆಟ್ ಪಕ್ಕದಲ್ಲಿನ ಖಾಲಿ ಜಾಗದಲ್ಲಿ ಅತ್ಯಾಚಾರಕ್ಕೆ ಯತ್ನಿಸಿದ್ದಾರೆ.

ಆ ಮಲೆಯಾಳಂ ಭಾಷೆಯಲ್ಲಿ ಯಾರೋ ಹುಡುಗಿ ಜೋರಾಗಿ ಬೊಬ್ಬೆ ಹಾಕುತ್ತಿದ್ದದ್ದು ಕೇಳಿಸಿತು. ತಕ್ಷಣ ಅಲ್ಲಿಗೆ ತೆರಳಿ ಆಕೆಯನ್ನು ರಕ್ಷಿಸಲಾಯಿತು. ಯುವತಿ ತೊಟ್ಟಿದ್ದ ಚೂಡಿದಾರವನ್ನು ಬಹುತೇಕ ಬಿಚ್ಚಲಾಗಿದ್ದು, ಇನ್ನು ಕೆಲವೇ ಹೊತ್ತು ತಡೆದಿದ್ದರೆ ಆಕೆಯ ಅತ್ಯಾಚಾರವಾಗುತ್ತಿತ್ತು, ವಿದ್ಯಾರ್ಥಿಗಳ ಪತ್ತೆ ಹಚ್ಚಿ ಪೊಲೀಸರಿಗೆ ತಿಳಿಸಲಾಗಿದೆ ಎಂದು ಸಿಬ್ಬಂದಿ ಹೇಳಿದ್ದಾರೆ.

ಆದರೆ, ದೂರು ಕೊಟ್ಟ ಸಿಬ್ಬಂದಿಗಳ ಮನೆ ಮೇಲೆ ಆರೋಪಿ ವಿದ್ಯಾರ್ಥಿ ಪರ ಗ್ಯಾಂಗ್ ದಾಳಿ ನಡೆಸಿದೆ. ಸಿಕ್ಕಿ ಬಿದ್ದಿರುವ ಇಬ್ಬರು ವಿದ್ಯಾರ್ಥಿಗಳನ್ನು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಮತ್ತೊಬ್ಬನಿಗಾಗಿ ಹುಡುಕಾಟ ನಡೆದಿದೆ. ಹಲ್ಲೆಗೊಳಗಾಗಿದ್ದ ವಿದ್ಯಾರ್ಥಿನಿ ಪ್ರಾಥಮಿಕ ಚಿಕಿತ್ಸೆ ಪಡೆದು ಮನೆಗೆ ತೆರಳಿದ್ದಾಳೆ.

English summary

Three senior student attempted to rape a junior student in a college Puttur. Dakshina Kannada police have arrested suspected two student and searching for other accused.