ಯುವತಿಯ ಜತೆ ಪರಾರಿ: ಯುವಕನಿಗೆ 10 ಸಾವಿರ ರು. ದಂಡ

ಮುಜಾಫರ್ ನಗರ, ಆ.8: ಗ್ರಾಮದ ಯುವತಿಯ ಜತೆ ಪ್ರೇಮದಾಟವಿಟ್ಟುಕೊಂಡು, ಅವಳೊಂದಿಗೆ ಓಡಿಹೋಗಿದ್ದ ಅದೇ ಗ್ರಾಮದ 21 ವರ್ಷದ ಯುವಕನಿಗೆ ಗ್ರಾಮ ಪಂಚಾಯ್ತಿಯು 10 ಸಾವಿರ ರುಪಾಯಿ ದಂಡ ವಿಧಿಸಿದೆ.

ಇಲ್ಲಿಂದ 20 ಕಿ.ಮೀ. ದೂರದಲ್ಲಿರುವ ಬುಧುಪುರ ಗ್ರಾಮದಲ್ಲಿ ಪಂಚಾಯ್ತಿ ಸೇರಿದ್ದ ಹಿರಿಯರು ಈ ಫರ್ಮಾನು ಹೊರಡಿಸಿದ್ದಾರೆ. 18 ವರ್ಷದ ಯುವತಿಯೊಂದಿಗೆ ಆರೋಪಿ ಯುವಕ ಆಗಸ್ಟ್ 1ರಂದು ಪರಾರಿಯಾಗಿದ್ದ. ಯುವತಿಯ ಕುಟುಂಬದವರು ಈ ಪ್ರೇಮಕ್ಕೆ ವಿರೋಧ ವ್ಯಕ್ತಪಡಿಸಿದ್ದರು. ಯುವತಿಯ ಪೋಷಕರು ಪಂಚಾಯಿತಿ ಕಟ್ಟೆ ಹತ್ತಿದರ ಹಿನ್ನೆಲೆಯಲ್ಲಿ ಈ ತೀರ್ಪು ನೀಡಲಾಗಿದೆ ಎಂದು ಪಂಚಾಯಿತಿ ಸದಸ್ಯರಾದ ಶರಾಫತ್ ಮತ್ತು ಫರ್ಮಾನ್ ತಿಳಿಸಿದ್ದಾರೆ.

English summary

A 21-year-old youth has been asked by a village panchayat in Budhupura village, around 20 kms from Muzaffarnagar to pay a fine of Rs 10,000 for allegedly having an affair and eloping with a girl of the same village.