ಲೋಕಾಯುಕ್ತ 'ಗಣಿಗಾರಿಕೆ' ವರದಿ ಸಲ್ಲಿಕೆ ಇನ್ನೂ ಬಲು ದೂರ!

ಬೆಂಗಳೂರು, ಜುಲೈ24: ಇನ್ನೂ ಪ್ರಿಂಟು ಇಲ್ಲ; ಜೆರಾಕ್ಸೂ ಇಲ್ಲ. ಇನ್ನು ಸರಕಾರಕ್ಕೆ ವರದಿ ಸಲ್ಲಿಕೆಯ ಮಾತು ಎಲ್ಲಿಯದು!? ವಿಷಯ ಏನು ಅಂತ ಕೇಳಿದಿರಾ? ಅಕ್ರಮ ಗಣಿಗಾರಿಕೆ ಕುರಿತಾದ ಲೋಕಾಯುಕ್ತರ ಅಂತಿಮ ವರದಿ ಸರ್ಕಾರಕ್ಕೆ ಸಲ್ಲಿಕೆಯಾಗುವುದು ಮತ್ತಷ್ಟು ವಿಳಂಬವಾಗುವುದು ಬಹುತೇಕ ಖಚಿತವಾಗಿದೆ. ಸೋಮವಾರ ಈ ವರದಿ ಸಲ್ಲಿಕೆಯಾಗುವ ನಿರೀಕ್ಷೆ ಇತ್ತು.

ವರದಿ ಸಿದ್ಧತೆಯಲ್ಲಿ ತೊಡಗಿರುವ ಹಿರಿಯ ಅಧಿಕಾರಿ ಯು.ವಿ. ಸಿಂಗ್‌ ಅವರು ಸೋಮವಾರದ ವೇಳೆಗೆ ವರದಿ ಮುದ್ರಣ ಸಂಪೂರ್ಣಗೊಳಿಸಲು ಸಾಧ್ಯವಿಲ್ಲ ಎಂದು ಲೋಕಾಯುಕ್ತರಿಗೆ ಈಗಾಗಲೇ ಮಾಹಿತಿ ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಈ ಹಿನ್ನೆಲೆಯಲ್ಲಿ ಈ ವರದಿ ಮತ್ತಷ್ಟು ವಿಳಂಬವಾಗಲಿದೆ. ಖಚಿತವಾಗಿ ಈ ವರದಿ ಮಂಡನೆಯಾಗುವ ದಿನಾಂಕ ಯಾವುದು ಎಂಬುದೂ ದೃಢವಾಗಿಲ್ಲ.

English summary

According to sources thanks to delay in Printing, Lokayukta Justice Santosh Hegde's leaked illegal mining report submission to Karnataka Government may be delayed.