ಜನ ಲೋಕಪಾಲ ವ್ಯಾಪ್ತಿಗೆ ಪ್ರಧಾನಿ: ಓಕೆ ಎಂದ ಅಡ್ವಾಣಿ
ಇದರೊಂದಿಗೆ ಪ್ರಧಾನಿ ಕಚೇರಿಯನ್ನು ಲೋಕಪಾಲ ಮಸೂದೆ ವ್ಯಾಪ್ತಿಗೆ ತರಬೇಕೇ, ಬೇಡವೇ? ಎಂಬ ಬಗ್ಗೆ ನಡೆಯುತ್ತಿರುವ ಚರ್ಚೆಯಿಂದ ದೂರವೇ ಉಳಿದಿದ್ದ ಪ್ರಮುಖ ವಿರೋಧ ಪಕ್ಷ ಬಿಜೆಪಿ ಕೊನೆಗೂ ಮೌನ ಮುರಿದಿದೆ. ಮಸೂದೆ ವ್ಯಾಪ್ತಿಗೆ ಪ್ರಧಾನ ಮಂತ್ರಿ ಕಚೇರಿ ಒಳಪಡಿಸಬೇಕೆಂಬ ನಿಲುವು ವ್ಯಕ್ತಪಡಿಸಿದೆ.
ಮಸೂದೆ ಕುರಿತು ಭಾನುವಾರ ನಡೆದ ಸರ್ವಪಕ್ಷ ಸಭೆಯಲ್ಲಿ ಬಿಜೆಪಿ ಈ ಪ್ರಮುಖ ವಿವಾದ ಕುರಿತು ಯಾವುದೇ ಅಭಿಪ್ರಾಯ ವ್ಯಕ್ತಪಡಿಸದೆ ಮೌನ ತಾಳಿತ್ತು. ಅಡ್ವಾಣಿ ಈಚಿನ ತಮ್ಮ 'ಬ್ಲಾಗ್'ನಲ್ಲಿ ತಾವು ಯಾವಾಗಲೂ ಪ್ರಧಾನಿ ಕಚೇರಿಯನ್ನು ಲೋಕಪಾಲದ ವ್ಯಾಪ್ತಿಗೆ ತರಬೇಕು ಎಂದು ಪ್ರತಿಪಾದಿಸುತ್ತಿರುವುದಾಗಿ ಹೇಳಿದ್ದಾರೆ.
ವಾಜಪೇಯಿ ಪ್ರಧಾನಿಯಾಗಿದ್ದಾಗ ಮಂಡಿಸಿದ ಲೋಕಪಾಲ ಮಸೂದೆ ಪ್ರಧಾನಿ ಕಚೇರಿ ಒಳಗೊಂಡಿತ್ತು. ಪ್ರಧಾನಿ ಮಸೂದೆ ವ್ಯಾಪ್ತಿಯಿಂದ ಹೊರಗಿರಬಾರದು ಎಂದು ಅಟಲ್ಜಿ ನಂಬಿದ್ದರು ಎಂದು ಅಡ್ವಾಣಿ ಸ್ಪಷ್ಟಪಡಿಸಿದ್ದಾರೆ.
Click it and Unblock the Notifications
Sign in with Google