ಗೂಗಲ್ ಸ್ಟ್ರೀಟ್ ವ್ಯೂಗೆ ಬೆಂಗಳೂರು ಪೊಲೀಸ್ ಬ್ರೇಕ್
ಗೃಹ ಇಲಾಖೆಯಿಂದ ಅನುಮತಿ ಪಡೆಯುವ ತನಕ ಗೂಗಲ್ ತನ್ನ ಕಾರ್ಯವನ್ನು ಮುಂದುವರೆಸುವಂತಿಲ್ಲ. ಬೆಂಗಳೂರಿನಲ್ಲಿ ಇಸ್ರೋ, ಎಚ್ ಎಎಲ್, ಎನ್ಎಎಲ್, ಬಿಇಎಲ್ ಮುಂತಾದ ಪ್ರತಿಷ್ಠಿತ ಸಂಸ್ಥೆಗಳಿದ್ದು, ಎಲ್ಲವೂ ಉಗ್ರರ ಭೀತಿಯನ್ನು ಎದುರಿಸುತ್ತಿದೆ. ರಕ್ಷಣಾ ಹಾಗೂ ಬಾಹ್ಯಾಕಾಶ ಸಂಸ್ಥೆಗಳ ಭದ್ರತೆ ವಿಶೇಷದಲ್ಲಿ ಉದಾಸೀನತೆ ತೋರುವಂತಿಲ್ಲ. 2008ರ ಸರಣಿ ಬಾಂಬ್ ಸ್ಫೋಟದ ನಂತರ ಭದ್ರತೆ ವಿಷಯದಲ್ಲಿ ಕರ್ನಾಟಕ ಪೊಲೀಸ್ ಇಲಾಖೆ ತುಂಬಾ ಎಚ್ಚರಿಕೆಯಿಂದ ಹೆಜ್ಜೆ ಇಡುತ್ತಿದೆ ಎಂದು ಆಯುಕ್ತ ಸುನೀಲ್ ಕುಮಾರ್ ಹೇಳಿದರು.
ಸಾರ್ವಜನಿಕ ರಸ್ತೆ ಹಾಗೂ ಕಟ್ಟಡಗಳ ಚಿತ್ರಗಳನ್ನು ಮಾತ್ರ ಸಂಗ್ರಹಿಸಲಾಗುತ್ತಿದೆ. ಸೂಕ್ಷ್ಮ ಪ್ರದೇಶಗಳ ಚಿತ್ರಗಳು ಇದರಲ್ಲಿ ಸೇರುವುದಿಲ್ಲ ಎಂದು ಗೂಗಲ್ ಸಂಸ್ಥೆ ವಿನಯ್ ಗೋಯಲ್ ಪ್ರತಿಕ್ರಿಯಿಸಿದ್ದಾರೆ.ಆದರೆ, ಕಳೆದ ವರ್ಷ 2,50,000 ಜರ್ಮನ್ನರು ತಮ್ಮ ಮನೆ ಚಿತ್ರ ಕಾಣಿಸದಂತೆ ನೋಡಿಕೊಳ್ಳಿ ಎಂದು ಗೂಗಲ್ ಗೆ ಸೂಚಿಸಿದ್ದರು. ಜೆಕ್ ಸರ್ಕಾರ ಕೂಡಾ ಗೂಗಲ್ ನ ಈ ಸೇವೆಗೆ ನಿರ್ಬಂಧ ಹೇರಿದೆ. ಯುಕೆಯಲ್ಲಂತೂ ವೈ ಫೈ ಮೂಲಕ ಖಾಸಗಿ ಇಮೇಲ್ ಐಡಿ, ಪಾಸ್ ವರ್ಡ್ ಕೂಡ ಸಂಗ್ರಹವಾಗಿತ್ತು. ನಂತರ ಎಲ್ಲವನ್ನೂ ಅಳಿಸಿ ಹಾಕಲಾಯಿತು.
Click it and Unblock the Notifications
Sign in with Google