ಕರೀಂ ಲಾಲ್ ತೆಲಗಿಗೆ ಮತ್ತೆ ಹತ್ತು ವರ್ಷ ಜೈಲು

ಪುಣೆ, ಜೂನ್ 18: ನಕಲಿ ಛಾಪಾ ಕಾಗದ ಹಗರಣದ ರುವಾರಿ ಅಬ್ದುಲ್ ಕರೀಂ ಲಾಲ್ ತೆಲಗಿಗೆ ಪುಣೆ ವಿಶೇಷ ನ್ಯಾಯಾಲಯವು ಹತ್ತು ವರ್ಷಗಳ ಕಠಿಣ ಕಾರಾಗೃಹ ಶಿಕ್ಷೆ ಮತ್ತು 9 ಲಕ್ಷ ರು. ದಂಡ ವಿಧಿಸಿದೆ. ಇದು ನಾಸೀಕ್ ನಲ್ಲಿ 2000ರಲ್ಲಿ ದಾಖಲಾಗಿದ್ದ ಒಂದು ಪ್ರಕರಣಕ್ಕೆ ಸಂಬಂಧಿಸಿದ ಶಿಕ್ಷೆಯಾಗಿದೆ. ಇನ್ನೂ ಹಲವು ಪ್ರಕರಣಗಳ ವಿಚಾರಣೆ ಬಾಕಿಯುಳಿದಿದೆ.

ನಕಲಿ ಛಾಪಾ ಕಾಗದ ಹಗರಣಕ್ಕೆ ಸಂಬಂಧಿಸಿದಂತೆ ತೆಲಗಿ ಮೇಲೆ ಒಟ್ಟು 47 ಪ್ರಕರಣಗಳು ದಾಖಲಾಗಿವೆ. 2007ರಲ್ಲಿ ಪುಣೆ ಪೊಲೀಸ್ ಸ್ಟೇಷನ್ ನಲ್ಲಿ ಬಹುಕೋಟಿ ಸ್ಟಾಂಪ್ ಹಗರಣ ಪ್ರಕರಣ ದಾಖಲಾದ ನಂತರ ಈಗಾಗಲೇ ಈತನಿಗೆ 13 ವರ್ಷ ಕಠಿಣ ಕಾರಾಗೃಹ ಶಿಕ್ಷೆ ನಡೆಯುತ್ತಿದೆ. ಜೂನ್ 13ರಂದು ಮುಂಬೈ ಮುಲುಂದ್ ಪೊಲೀಸ್ ಠಾಣೆಯಲ್ಲಿ ದಾಖಲಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೋರ್ಟ್ ಹತ್ತು ವರ್ಷಗಳ ಜೈಲು ಶಿಕ್ಷೆ ವಿಧಿಸಿತ್ತು.

English summary

A special court Pune has sentenced the fake stamp paper scam accused Abdul Karim Telgi to 10 years' rigorous imprisonment (RI) and a fine of Rs. 9 lakh in a case registered with Nashik police in 2000.