• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಉಪಮೇಯರ್ ತೊರೆಯುವ ಮುನ್ನ ದಯಾನಂದ್ ಮದುವೆ ಗಡಿಬಿಡಿ

By Srinath
|

ಬೆಂಗಳೂರು, ಏಪ್ರಿಲ್ 15: ಮಹಾನಗರ ಪಾಲಿಕೆಯ ಉಪ ಮೇಯರ್, 27 ವರ್ಷದ ಎನ್. ದಯಾನಂದ್ ಇದೇ ಏಪ್ರಿಲ್ 27ರಂದು ಹಸೆಮಣೆ ಏರಲಿದ್ದಾರೆ. ಆದರೆ ಆ ವೇಳೆಗೂ ಅವರು ಉಪ ಮೇಯರ್ ಆಗಿಯೇ ಇರುತ್ತಾರಾ ಎಂಬುದು ಸದ್ಯದ ಪ್ರಶ್ನೆ. ಏಕೆಂದರೆ ಏಪ್ರಿಲ್ 23ಕ್ಕೆ ಅವರ ಅಧಿಕಾರಾವಧಿ ಮುಗಿಯಲಿದೆ. ವಿವಾಹಕ್ಕೂ ಮುನ್ನ ಉಪ ಮೇಯರ್ ಆಯ್ಕೆ ನಡೆದರೆ ದಯಾನಂದ್ ತಮ್ಮ ಮದುವೆಯ ವೇಳೆಗೆ ಮಾಜಿ ಆಗಿಬಿಡುತ್ತಾರೆ.

ಬೆನ್ನಿಗಾನಹಳ್ಳಿ ವಾರ್ಡ್ ಮೂಲಕ ಮೊದಲ ಬಾರಿಗೆ ಕಾರ್ಪೊರೇಟರ್ ಆಯ್ಕೆಯಾಗಿ, ಅತ್ಯಂತ ಕಿರಿಯ ವಯಸ್ಸಿಗೆ ಉಪ ಮೇಯರ್ ಹುದ್ದೆ ಅಲಂಕರಿಸಿದ ಅಗ್ಗಳಿಕೆ ನಮ್ಮ ದಯಾನಂದ್ ಅವರದ್ದು. ಮಾಜಿ ಮೇಯರ್ ಆಗಿಯೇ ಹಸೆ ಮಣೆ ಏರಬೇಕು ಎಂದು ಬಯಸಿರುವ ದಯಾನಂದ್ ಮೇಯರ್ ನಟರಾಜ್ ಗೆ ದುಂಬಾಲು ಬಿದ್ದು, ಏಪ್ರಿಲ್ 30 ರವರೆಗೂ ಉಪ ಮೇಯರ್ ಆಗಿ ಇರುವಂತೆಯೇ ನೋಡಿಕೊಳ್ಳಿ ಎಂದು ಅಹವಾಲು ಸಲ್ಲಿಸಿದ್ದಾರೆ ಎಂದು ಬಿಬಿಎಂಪಿ ಮೂಲಗಳು ಡಂಗುರ ಹೊಡೆಯುತ್ತಿವೆ.

ಎಷ್ಟೇ ಆಗಲಿ ನಟರಾಜ್ ಮಹಾ ಪುರಪಿತೃ. ತಮ್ಮ ಪುರದಲ್ಲಿ ಮಕ್ಕಳ ಮದುವೆಯಾಗುತ್ತಿದ್ದರೆ ಪಿತೃ ಸ್ಥಾನದಲ್ಲಿ ನಿಂತು ಆಶೀರ್ವಾದ ಮಾಡದಿರುತ್ತಾರೆಯೇ. ಹಾಗಾಗಿಯೇ ದಯಾನಂದ್ ಕೋರಿಕೆಗೂ ತಥಾಸ್ತು ಎಂದಿದ್ದಾರೆ. ಬೆಂಗಳೂರು ಬೃಹತ್ ಮಹಾನಗರ ಪಾಲಿಕೆಗೆ (ಬಿಬಿಎಂಪಿ) ನೂತನ ಮೇಯರ್ ಮತ್ತು ಉಪ ಮೇಯರ್ ಆಯ್ಕೆಯ ದಿನಾಂಕವನ್ನು ರವಷ್ಟು ಮುಂದಕ್ಕೆ ಹಾಕಿ. ಏಪ್ರಿಲ್ 30ಕ್ಕೆ ನಿಗದಿ ಮಾಡಿದರೆ ಹೇಗೆ ಎಂದು ಪ್ರಾದೇಶಿಕ ಆಯುಕ್ತರಿಗೆ ಅದಾಗಲೇ ಪತ್ರ ಬರೆದಿದ್ದಾರೆ. ಇದಕ್ಕೇನಾದರೂ ಆಯುಕ್ತರು ಮನ್ನಣೆ ನೀಡಿದರೆ ದಯಾನಂದರು ನಿರ್ವಿಘ್ನವಿಲ್ಲದೆ ಉಪ ಮೇಯರ್ ಆಗಿಯೇ ಸಪ್ತಪದಿ ತುಳಿದು ತಮ್ಮ ಬಯಕೆ ಈಡೇರಿಸಿಕೊಳ್ಳಬಹುದು. ನಿಮ್ಮ ಹಾರೈಕೆ ಏನು!?

ನಮ್ಮ ವರನ ಪ್ರವರ ಹೀಗಿದೆ: ಸಿಲಿಕಾನ್ ಸಿಟಿಯ ಪ್ರತಿಷ್ಠೆಗೆ ತಕ್ಕಂತೆ ದಯಾನಂದ್ ಬೆಂಗಳೂರಿಗೆ ಭೂಷಣಪ್ರಾಯರು ಎಂಬುದಲ್ಲಿ ಎರಡು ಮಾತಿಲ್ಲ. ಪಾಲಿಟಿಕ್ಸು ಅಥವಾ ಐಎಎಸ್ ಅಧಿಕಾರಿಯಾಗಿ ಮಾತ್ರ ಪೌರ ಸೇವೆ ಮಾಡಬಹುದು ಎಂಬುದನ್ನು ನಂಬಿರುವ ದಯಾನಂದು ಐಎಎಸ್ ಬರೆದವರೆ. ಅದಕ್ಕೂ ಮುನ್ನ, ಎಂಟೆಕ್ ಪಾಸು ಮಾಡವ್ರೆ. ಟ್ವೀಟು, ಬ್ಲಾಗು ಎಂದೆಲ್ಲ ಸೋ ಕಾಲ್ಡ್ ಸೋಯಿಷಲ್ ನೆಟ್ ವರ್ಕಿಂಗ್ ನಲ್ಲಿ ಸದಾ ಬಿಜಿಯಾಗಿರುತ್ತಾರೆ. ಜನರನ್ನು ತಲುಪಲು ಇದೇ ರಾಜಮಾರ್ಗ ಎಂಬುದು ಅವರ ಖಡಕ್ ನಿಲುವು. ದಯಾನಂದ ಸಾಗರ್ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ದಯಾನಂದ್ ಉಪನ್ಯಾಸಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Bangalore BBMP Deputy Mayor N Dayanand is eager to marry (April 27) before he relinquishes the post. The Mayor Nataraj has blessed his deputy with a good extention of his Deputy Mayorgiri.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more