ಜಪಾನ್: ಮತ್ತೆ ಭಾರಿ ಭೂಕಂಪ, ಸುನಾಮಿ ಕಟ್ಟೆಚ್ಚರ

ಟೋಕಿಯೊ, ಮಾ. 28: ಜಪಾನ್ ಮೊದಲ ವಿಲಕ್ಷಣ ಮಾಸಿಕ ಆಚರಿಸಿದೆ. ಸರಿಯಾಗಿ ಒಂದು ತಿಂಗಳ ಹಿಂದೆ ಪ್ರಬಲ ಭೂಕಂಪ ಮತ್ತು ಸುನಾಮಿಯಿಂದ ಪತರಗುಟ್ಟಿದ್ದ ಜಪಾನ್, ಇನ್ನೇನು ತನ್ನ ಕಾಲ ಮೇಲೆ ತಾನು ನಿಂತುಕೊಳ್ಳುವ ಹರಸಾಹಸದಲ್ಲಿ ತೊಡಗಿದ್ದಾಗ... ಇಂದು ಅಂದರೆ ಏಪ್ರಿಲ್ 11ರಂದು ರಿಕ್ಟರ್ ಮಾಪಕದಲ್ಲಿ 7.1ರಷ್ಟು ತೀವ್ರತೆ ಹೊಂದಿರುವ ಭೂಕಂಪಕ್ಕೆ ಮತ್ತೆ ಸಿಲುಕಿದೆ.

ವೀಡಿಯೊ: ಜಪಾನಿಗೆ ಭೂಕಂಪ, ಸುನಾಮಿ ಮಾಸಿಕ

ಫೆಸಿಫಿಕ್ ಭಾಗ ಸೇರಿದಂತೆ ಈಶಾನ್ಯ ಜಪಾನಿನಲ್ಲಿ ತಕ್ಷಣವೇ ಸುನಾಮಿ ಕಟ್ಟೆಚ್ಚರವನ್ನೂ ಘೋಷಿಸಲಾಗಿದೆ. ಟೊಕಿಯೊ, ಫುಕಿಶಿಮಾದಲ್ಲಿ ಕಟ್ಟೆಚ್ಚರ ಘೋಷಣೆಯಾಗಿದೆ. ಭೂಕಂಪ ಕೇಂದ್ರೀಕೃತವಾಗಿದ್ದ ಸ್ಥಳದಲ್ಲಿ ಇಬರಾಖಿ ಪ್ರಿಫೆಕ್ಚರ್ ನಲ್ಲಿ 3 ಅಡಿ ಎತ್ತರದ ಸುನಾಮಿ ಅಲೆಗಳು ಬೀಸುವ ಅಪಾಯವಿದೆ ಎನ್ನಲಾಗಿದೆ. ರೈಲು ಸಂಚಾರ ಸ್ಥಗಿತಗೊಳಿಸಲಾಗಿದೆ.

ಕಳೆದ ಮಾರ್ಚ್ 11ರಂದು ಶುಕ್ರವಾರ ಮಧ್ಯಾಹ್ನ ಸ್ಥಳೀಯ ಕಾಲಮಾನ 2.45ರಲ್ಲಿ ಈಶಾನ್ಯ ಕರಾವಳಿಯಲ್ಲಿ 8.9 ಪ್ರಮಾಣದ ತೀವ್ರ ಭೂಕಂಪ ಸಂಭವಿಸಿತ್ತು. ಬಳಿಕ 13 ಅಡಿ ಎತ್ತರದ ಸುನಾಮಿ ಅಲೆಗಳು ರುದ್ರನರ್ತನ ಮಾಡಿತ್ತು. ಅದು ಜಪಾನಿನ ಅಣು ಶಕ್ತಿಯನ್ನೇ ಉಡುಗಿಸಿತ್ತು. ಒಟ್ಟು 20 ಸಾವಿರ ಮಂದಿ ಅಸುನೀಗಿದ್ದರು. ಈ ಒಂದು ತಿಂಗಳ ಅವಧಿಯಲ್ಲಿ ಸಣ್ಣ ಪುಟ್ಟ ನಡುಕಗಳ ಮದ್ಯೆ ಎರಡು ಬಾರಿ ಭಾರಿ ಭೂಕಂಪ ಸಂಭವಿಸಿತ್ತು.

English summary

A strong aftershock (7.1 magnitude) rattled northeastern Japan on Monday, Apr 11. The quake reportedly hit mainly the north and north-eastern region of the nation. A tsunami alert has been issued in the whole country along with the pacific region. The 7.1-magnitude quake prompted warnings of a three-foot tsunami in Ibaraki Prefecture.