ನೋಕಿಯಾ E7 ಮೊಬೈಲ್ ಗೆ ಬುಕ್ಕಿಂಗ್ ಆರಂಭ

ಬೆಂಗಳೂರು, ಮಾ.10: ಭಾರತದ ಗ್ರಾಹಕಾ ನಾಡಿಮಿಡಿತವನ್ನು ಅರಿತಿರುವ ವಿಶ್ವದ ಅಗ್ರಗಣ್ಯ ಸಂಸ್ಥೆ ನೋಕಿಯಾ, ತನ್ನ ಹೊಚ್ಚ ಹೊಸ ಸ್ಮಾರ್ಟ್ ಫೋನ್ E7 ಮುಂಗಡ ಬುಕ್ಕಿಂಗ್ ಆರಂಭಿಸಿದೆ. ನೋಕಿಯಾ ಪ್ರಿಯಾರಿಟಿ ಡೀಲರ್ ಗಳ ಬಳಿ ಹೋಗಿ ಒಂದು ಅರ್ಜಿ ಸಲ್ಲಿಸಿ, ಕೇವಲ 3, 000 ರು ನೀಡಿ, ಮೊಬೈಲ್ ಬುಕ್ ಮಾಡಬಹುದು. ಭಾರತದಲ್ಲಿ ಬಿಡುಗಡೆ ಮಾಡುವ ದಿನಾಂಕ ಇನ್ನೂ ನಿಗದಿಪಡಿಸಿಲ್ಲ. ಆದರೆ, ಸುಮಾರು 35,019 ರು ಮುಖಬೆಲೆಯ ಈ ಮೊಬೈಲ್ ಗೆ ಬುಕ್ಕಿಂಗ್ ಮಾಡಿ ಕಾದು ಕೂರಬೇಕಿಲ್ಲ. EMI ಮೂಲಕ ಹಣ ಪಾವತಿಸಿ ಮೊಬೈಲ್ ಪಡೆಯುವ ಸೌಲಭ್ಯ ಕೂಡಾ ಇದೆ. ಬುಕ್ಕಿಂಗ್ ಆದ ನಂತರ ನೋಕಿಯಾ ಡೀಲರ್ ನಿಂದ ಗ್ರಾಹಕರಿಗೆ ಈ ಬಗ್ಗೆ ಕರೆ ನೀಡಲಾಗುತ್ತದೆ.

ಬಹುಶಃ ಏಪ್ರಿಲ್, ಮೇ ತಿಂಗಳ ಮೊದಲಲ್ಲಿ ನೋಕಿಯಾ E7 ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ. ಹತ್ತು ಹಲವು ಸೌಲಭ್ಯಗಳ ಆಗರವಾದ ಈ ಸ್ಮಾರ್ಟ್ ಫೋನ್ ಅಂಗೈಯಲ್ಲೇ ಸಕಲ ಸೌಲಭ್ಯ ಒದಗಿಸಲಿದೆ. 4 ಇಂಚಿನ AMOLED ದರ್ಶಕ, ಸ್ಲೈಡ್ ಮಾಡಬಲ್ಲ QWERTY ಕೀ ಪ್ಯಾಡ್. 8 ಮೆಗಾ ಪಿಕ್ಸಲ್ ಕೆಮೆರಾ, ಎರೆಡೆರಡು LED ಫ್ಲ್ಯಾಶ್ ಹಾಗೂ 720p HD ವಿಡಿಯೋ ರೆಕಾರ್ಡಿಂಗ್ ಸೌಲಭ್ಯ. ಉಳಿದಂತೆ, ವೈ ಫೈ, ಜಿಪಿಎಸ್, ಬ್ಲೂಟೂಥ್, 3ಜಿ ಎಲ್ಲವೂ ಇದೆ. ಬೆಲೆ ಕೊಂಚ ಹೆಚ್ಚಾಯಿತು ಎಂದೆನಿಸಿದರೂ, ಮಾರುಕಟ್ಟೆಯಲ್ಲಿ ಗ್ರಾಹಕ ನಂಬಿಕೆಯ ಬ್ರ್ಯಾಂಡ್ ಎಂ ಹಿರಿಮೆಯನ್ನು ನೋಕಿಯಾ ಉಳಿಸಿಕೊಳ್ಳುವ ಸಾಧ್ಯತೆಯಿದೆ.

ನೋಕಿಯಾ E7 ವಿಶೇಷತೆಗಳು:

ವಾಣಿಜ್ಯ ಉದ್ದೇಶಕ್ಕೆ ಬಳಸುವ ಮೊಬೈಲ್ ಗಳಲ್ಲಿ ನೋಕಿಯಾ E7 ಅಗ್ರಸ್ಥಾನ ಪಡೆದಿದ್ದು, ಸಿಂಬಿಯಾನ್ 3 ಅಪರೇಟಿಂಗ್ ಸಿಸ್ಟಮ್ ಹೊಂದಿದ್ದು, ಗ್ರಾಹಕ ಸ್ನೇಹಿ ಸೌಲಭ್ಯಗಳನ್ನು ಹೊಂದಿದೆ. ಮಾರ್ಚ್ ಎರಡನೇ ವಾರದ ನಂತರ ಗ್ರಾಹಕರು ಪ್ರಿಯಾರಿಟೀ ಡೀಲರ್ ಬಳಿ ಮೊಬೈಲ್ ಕಾರ್ಯಕ್ಷಮತೆಯ ಟ್ರಯಲ್ ನೋಡಬಹುದು. ಮೊಬೈಲ್ ಕೊಳ್ಳಲು ಆಸಕ್ತಿ ಉಳ್ಳವರು ಆನ್ ಲೈನ್ ಮೂಲಕ ಕೂಡಾ ಫಾರ್ಮ್ ಭರ್ತಿ ಮಾಡಬಹುದು ಎಂದು ನೋಕಿಯಾ ಇಂಡಿಯಾದ ಉಪಾಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಡಿ ಶಿವಕುಮಾರ್ ಹೇಳಿದ್ದಾರೆ.

English summary

Just after commencing the pre-orders in US and UK, India's most trusted handset brand, Nokia has started the pre-ordering for its new smartphone, Nokia E7, Nokia Priority Dealer by paying just paying just Rs. 3,000. in India Nokia E7 has whopping price tag of Rs 35,000. Here is Nokia E7 Features and Specifications.