ಬಿಎಂಆರ್ ಸಿಎಲ್ ಬಿಎಂಟಿಸಿ ಪಾಸು @70ರು

By Mahesh

Published: Tuesday, February 15, 2011, 10:30 [IST]

ಬೆಂಗಳೂರು, ಫೆ.15: ನಗರ ವ್ಯಾಪ್ತಿ ಬಿಎಂಟಿಸಿ ಬಸ್ ಮತ್ತು ಮೆಟ್ರೋ ರೈಲುಗಳಿಗೆ ಸೇವೆಗಳ ನಡುವೆ ಅಪರಿಮಿತ ಸಾರಿಗೆ ಸೌಲಭ್ಯ ಕಲ್ಪಿಸಲುಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ಬೆಂಗಳೂರು ಮೆಟ್ರೋ ರೈಲು ನಿಗಮ (ಬಿಎಂಆರ್‌ಸಿಎಲ್)ಜಂಟಿ ದಿನದ ಪಾಸ್ ಪರಿಚಯಿಸುವ ಒಡಂಬಡಿಕೆಗೆ ಸಹಿ ಹಾಕಲಿವೆ. ಗೃಹ ಮತ್ತು ಸಾರಿಗೆ ಸಚಿವ ಆರ್.ಅಶೋಕ್ ಅವರ ಉಪಸ್ಥಿತಿಯಲ್ಲಿ ಮಂಗಳವಾರ ವಿಧಾನಸೌಧದಲ್ಲಿ ಬಿಎಂಟಿಸಿ ಮತ್ತು ಬಿಎಂಆರ್‌ಸಿಎಲ್ ಈ ಒಪ್ಪಂದಕ್ಕೆ ಸಹಿ ಹಾಕಲಿವೆ.

ಮೆಟ್ರೋ ನಿಲ್ದಾಣಗಳಿಗೆ ಫೀಡರ್ ಸೇವೆ ಪ್ರಾರಂಭಿಸುವುದರೊಂದಿಗೆ ಬಿಎಂಟಿಸಿ ಮತ್ತು ಬಿಎಂಆರ್ ಸಿಎಲ್ ಸೇವೆಗಳಲ್ಲಿ ಅಪರಿಮಿತ ಪ್ರಯಾಣಕ್ಕಾಗಿ ಜಂಟಿ ದಿನದ
ಪಾಸ್ ಪರಿಚಯಿಸಲು ಈ ಒಪ್ಪಂದ ಮಾಡಿಕೊಳ್ಳುತ್ತಿದ್ದು, ಇದಕ್ಕೆ ಎಂಬಿಟಿ ಪಾಸ್ ಎಂದು ಹೆಸರಿಸಲಾಗಿದೆ. ಈ ಎಂಬಿಟಿ ಪಾಸ್ ಹಾಲಿ ಇರುವ ದಿನದ ಪಾಸ್ ಮಾದರಿಯ ಜೊತೆಗೆ ಬಾರ್‌ಕೋಡ್ ಲಕ್ಷಣವನ್ನು ಒಳಗೊಂಡಿರುವ (ಸರಾಗ್ ಮತ್ತು ಸರಳ್) ಎಂಬ ಎರಡು ವರ್ಗಗಳ ಪಾಸುಗಳಿರುತ್ತವೆ.

ಸರಾಗ್: ಇದು ಬಸ್ - ಮೆಟ್ರೋ ದಿನದ ಪಾಸು. ಇದರಲ್ಲಿ ಬಿಎಂಟಿಸಿ ಮತ್ತು ಬಿಎಂಆರ್‌ಸಿಎಲ್ ಹವಾನಿಯಂತ್ರಣ ರಹಿತ ಸೇವೆಗಳಲ್ಲಿ 24 ಗಂಟೆಗಳ ಮಿತಿ ಇಲ್ಲದ ಪ್ರಯಾಣ. ದರ 70 ರೂ.

ಸರಳ್: ವಾಯು ವಜ್ರ ಸೇವೆಯನ್ನು ಹೊರತುಪಡಿಸಿ ಬಿಎಂಟಿಸಿಯ ವಜ್ರ ಮತ್ತು ಇತರೆ ಎಲ್ಲಾ ಸೇವೆಗಳಲ್ಲಿ ಹಾಗೂ ಬಿಎಂಆರ್‌ಸಿಎಲ್ ಸೇವೆಗಳಲ್ಲಿ 24 ಗಂಟೆಗಳ ಮಿತಿ ಇಲ್ಲದ ಪ್ರಯಾಣ. ದರ 110 ರೂ.

Published On February 15, 2011