ಜ.16 ರಿಂದ ಶಿವಮೊಗ್ಗ ಇಂಟರ್ ಸಿಟಿ ರೈಲು ಆರಂಭ

ಶಿವಮೊಗ್ಗ ಜ 12 : ರೈಲು ಮೈಸೂರಿನಿಂದ ಹೊರಡಬೇಕೆ ಅಥವಾ ಶಿವಮೊಗ್ಗದಿಂದ ಹೊರಡಬೇಕೆ ಎಂಬ ಜಿಜ್ನಾಸೆಯಿಂದಲೇ 9 ತಿಂಗಳು ವಿಳಂಬವಾದ ಬಹು ನಿರೀಕ್ಷಿತ ಮೈಸೂರು - ಶಿವಮೊಗ್ಗ ಇಂಟರ್ ಸಿಟಿ ರೈಲು ಇದೇ ಜನವರಿ 16ರಿಂದ ಆರಂಭವಾಗಲಿದೆ. ಮೈಸೂರಿನಲ್ಲಿ ಜ 16ರಂದು ಮಧ್ಯಾಹ್ನ 12.30ಕ್ಕೆ ರೈಲ್ವೆ ರಾಜ್ಯ ಸಚಿವ ಮುನಿಯಪ್ಪ ಹಸಿರು ನಿಶಾನೆ ತೋರಲಿದ್ದಾರೆ.

ರೈಲಿಗೆ ಒಟ್ಟು 16 ಬೋಗಿಗಳನ್ನು ಮಂಜೂರು ಮಾಡಲಾಗಿದೆ. ಒಂದು ಎಸಿ, ಎರಡು ರಿಸರ್ವ್ ಮತ್ತು 13 ಸಾಮಾನ್ಯ ಬೋಗಿಗಳಿರುತ್ತವೆ. ರೈಲು ಕೆ ಆರ್ ನಗರ, ಹೊಳೆನರಸೀಪುರ, ಹಾಸನ, ಅರಸೀಕೆರೆ, ಬೀರೂರು ಮಾರ್ಗವಾಗಿ ಸಂಚರಿಸಲಿದೆ. (ಕೆ ಎಚ್ ಮುನಿಯಪ್ಪ)

ವೇಳಾಪಟ್ಟಿ ಮತ್ತು ದರ :
ಮೈಸೂರಿನಿಂದ ಬೆಳಗ್ಗೆ 6.20ಕ್ಕೆ ಹೊರಟು 11.30ಕ್ಕೆ ಶಿವಮೊಗ್ಗ ತಲುಪಲಿದೆ
ಶಿವಮೊಗ್ಗದಿಂದ ಸಂಜೆ 4.50ಕ್ಕೆ ಹೊರಟು ರಾತ್ರಿ 10 .40ಕ್ಕೆ ಮೈಸೂರು ತಲುಪಲಿದೆ.
ಸಾಮಾನ್ಯ ಬೋಗಿಗೆ 69 ರುಪಾಯಿ.
ಹವಾನಿಯಂತ್ರಿತ ಬೋಗಿಗೆ 294 ರುಪಾಯಿ.

English summary

Much expected Mysore-Shimoga intercity rail to starts on Jan 16, Union Railway Minister of state KH Muniyappa will inaugurates the train in Mysore o that day, Railwat official said. ಜ16 ರಿಂದ ಇಂಟರ್ ಸಿಟಿ ರೈಲು