ಸ್ಯಾಮ್ ಸಂಗ್ ನಿಂದ ಹೊಸ ಸ್ಮಾರ್ಟ್ ಫೋನ್ ವೇವ್

ನವದೆಹಲಿ, ನ.26: ಸ್ಯಾಮ್ ಸಂಗ್ ವೇವ್ ಸರಣಿಯಲ್ಲಿ ಹೊಚ್ಚ ಹೊಸ ಸ್ಮಾರ್ಟ್ ಫೋನ್ ಗಳನ್ನು ಭಾರತದ ಮೊಬೈಲ್ ಫೋನ್ ಮಾರುಕಟ್ಟೆಗೆ ಬಿಟ್ಟಿದೆ. ವಿಶ್ವದ ಎರಡನೆ ದೊಡ್ಡ ಮೊಬೈಲ್ ಫೋನ್ ತಯಾರಿಕಾ ಸಂಸ್ಥೆ ಸ್ಯಾಮ್ ಸಂಗ್ ಪರಿಚಯಿಸಿರುವ ವೇವ್ ಸರಣಿಗೆ ಭಾರಿ ಬೇಡಿಕೆ ಉಂಟಾಗಿದೆ. ಹೊಸ ಮೊಬೈಲ್ ಗಳಾದ ವೇವ್ 525, ವೇವ್ 723 ಮೇಲೆ ಕೂಡಾ ಅದೆ ನಿರೀಕ್ಷೆಯನ್ನು ಸಂಸ್ಥೆ ಹೊಂದಿದೆ.

ವೇವ್ 525 ಹಾಗೂ ವೇವ್ 723 ಮೊಬೈಲ್ ಫೋನ್ ಗಳಲ್ಲಿ ಸ್ಯಾಮ್ ಸಂಗ್ ರೂಪಿಸಿರುವ ಸ್ವಂತ ಅಪರೇಟಿಂಗ್ ಸಿಸ್ಟಮ್ Bada ಅನ್ನು ಅಳವಡಿಸಲಾಗಿದೆ. ಇತರೆ ಸ್ಮಾರ್ಟ್ ಫೋನ್ ಗಳಲ್ಲಿರುವ ಎಲ್ಲಾ ಸೌಲಭ್ಯಗಳೊಂದಿಗೆ ಸೋಷಿಯಲ್ ನೆಟ್ವರ್ಕಿಂಗ್ ಸಂಪರ್ಕಕ್ಕೆ ಹೆಚ್ಚಿನ ಒತ್ತು ನೀಡಲಾಗಿದೆ.

ಸ್ಯಾಮ್ ಸಂಗ್ ವೇವ್ 525

ಸುಮಾರು 100 ಗ್ರಾಂ ತೂಕವಿರುವ ಮೊಬೈಲ್ ಫೋನ್ ನಲ್ಲಿ 3.15 ಮೆಗಾ ಪಿಕ್ಸಲ್ ಕೆಮೆರಾವಿದೆ. ವೈಫೈ, ಬ್ಲೂಟೂಥ್ ಅಲ್ಲದೆ ಜಿಪಿಎಸ್ ಸೌಲಭ್ಯ ಕೂಡಾ ಇದೆ. ಅಂತರಿಕ ಮೆಮೋರಿ 100 ಎಂಬಿ ಇದ್ದು, ಮೈಕ್ರೋ ಎಸ್ ಡಿ ಕಾರ್ಡ್ ಬಳಸಿ 16 ಜಿಬಿ ತನಕ ವಿಸ್ತರಿಸಬಹುದಾಗಿದೆ. ವೇವ್ 525 ನ ಬೆಲೆ 8,800 ರು ಮಾತ್ರ.

ಸ್ಯಾಮ್ ಸಂಗ್ ವೇವ್ 723

ವೇವ್ 723 ಸ್ಮಾರ್ಟ್ ಮೊಬೈಲ್ ನಲ್ಲಿ 3ಜಿ ಸೌಲಭ್ಯವಿದೆ. 3.2 ಇಂಚಿನ AMOLED TFT ಸ್ಕ್ರೀನ್, 5 ಮೆಗಾ ಪಿಕ್ಸಲ್ ಕೆಮೆರಾ ಜೊತೆಗೆ ಎಲ್ ಇಡಿ ಫ್ಲಾಶ್ ಕೂಡಾ ಇದೆ. ಇದು ಕೂಡಾ ಸ್ಯಾಮ್ ಸಂಗ್ ನ ಸ್ವಂತ ಆಪರೇಟಿಂಗ್ ಸಿಸ್ಟಮ್ ಉಪಯೋಗಿಸುತ್ತದೆ. ಉಳಿದಂತೆ ವೈ ಫೈ, ಜಿಪಿಎಸ್ ಸೇರಿದಂತೆ ಸ್ಮಾರ್ಟ್ ಫೋನ್ ಸೌಲಭ್ಯಗಳಿವೆ.

ಸ್ಯಾಮ್ ಸಂಗ್ ವೇವ್ 723 ಬೆಲೆ 13,500 ರು. ಸ್ಯಾಮ್ ಸಂಗ್ ಮಳಿಗೆ ಸೇರಿದಂತೆ ದೇಶದ ಪ್ರಮುಖ ಎಲೆಕ್ಟ್ರಾನಿಕ್ ಉತ್ಪನ್ನ ಮಾರಾಟ ಮಳಿಗೆಗಳಲ್ಲಿ ಈ ಮೊಬೈಲ್ ಫೋನ್ ಗಳು ಲಭ್ಯವಿದೆ.

English summary

Samsung has launched its new smartphones, Wave 525 and Wave 723(3G phone) in India. Samsung’s own Bada OS is being used in both the mobiles. These two mobiles provide high end features with social networking connectivity.