ಪ್ರೇಮ ಪ್ರಕರಣ : ಮುಸ್ಲಿಂ ಯುವತಿ ಹತ್ಯೆ

ಮೊರಾದಾಬಾದ್(ಉತ್ತರ ಪ್ರದೇಶ), ನ. 25 : ಹಿಂದೂ ಯುವಕನನ್ನು ಪ್ರೀತಿಸಿದ್ದ ಮುಸ್ಲಿಂ ಯುವತಿ ಆತನನ್ನೇ ಮದುವೆಯಾಗಲು ನಿರ್ಧರಿಸಿದ್ದರಿಂದ ಕುಪಿತಗೊಂಡ ತಂದೆ ಮಗಳನ್ನೇ ನೇಣು ಹಾಕಿ ಹತ್ಯೆಗೈದಿರುವ ಪೈಶಾಚಿಕೆ ಕೃತ್ಯ ಉತ್ತರ ಪ್ರದೇಶದ ಮೊರಾದಾಬಾದ್ ಜಿಲ್ಲೆಯ ಮುವೈತ್ ಕೂರಾನ್ ಗ್ರಾಮದಲ್ಲಿ ಗುರುವಾರ ನಡೆದಿದೆ.

18 ವರ್ಷದ ರೇಹಾನ್ ಪರ್ವಿನ್ ಹತ್ಯೆಗೊಳಗಾದ ನತದೃಷ್ಟೆ. ರೇಹಾನ್ ಪರ್ವಿನ್ ಕಳೆದ ಹಲವಾರು ವರ್ಷಗಳಿಂದ ಹಿಂದು ಜನಾಂಗಕ್ಕೆ ಸೇರಿದ ಭೊರಾ ಪ್ರಜಾಪತಿ(21) ಎಂಬ ಯುವಕನನ್ನು ಪ್ರೀತಿಸುತ್ತಿದ್ದಳು. ಈ ಪ್ರೇಮಿಗಳ ಗ್ರಾಮದ ಹೊರವಲಯದಲ್ಲಿ ನಿತ್ಯ ಭೇಟಿಯಾಗುತ್ತಿದ್ದರು. ವಿಷಯ ತಿಳಿದ ಯುವತಿ ತಂದೆ ಮುಸ್ತಾಕೀಮ್ ಕುಪಿತಗೊಂಡು ಮಗಳು ರೇಹಾನ್ ಳನ್ನು ನೇಣು ಹಾಕಿ ಹತ್ಯೆಗೈದಿದ್ದಾನೆ.

ರೇಹಾನ್ ಕಳೆದ ಮೂರು ದಿನಗಳಿಂದ ಕಾಣಿಯಾಗಿದ್ದರಿಂದ ಪ್ರಜಾಪತಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾನೆ. ದೂರಿನ ಮೇರೆಗೆ ತನಿಖೆ ನಡೆಸಿದ ಪೊಲೀಸರಿಗೆ ತಂದೆ ಮುಸ್ತಾಕೀಮ್ ಮಗಳು ರೇಹಾನ್ ಳನ್ನು ಮನೆಯಲ್ಲಿಯೇ ನೇಣು ಹಾಕಿ ಕೊಲೆ ಮಾಡಿರುವ ಸಂಗತಿ ಹೊರಬಂದಿದೆ.

ಹಿಂದೂ ಸಮಾಜದ ಯುವಕನೊಂದಿಗೆ ಪ್ರೇಮ ಪ್ರೇಮ ಎಂದು ತಿರುಗಾಡುತ್ತಿದ್ದ ಮಗಳಿಗೆ ತಂದೆ ಮಸ್ತಾಕೀಮ್ ಅನೇಕ ಸಲ ತಿಳಿ ಹೇಳಿದ್ದಾನೆ. ಅನ್ಯ ಧರ್ಮಿಯರನ್ನು ಮದುವೆಯಾದರೆ ಕುಟುಂಬಕ್ಕೆ ಕೆಟ್ಟ ಹೆಸರು ಬರುತ್ತದೆ ಎಂದು ಬುದ್ಧಿ ಮಾತು ಹೇಳಿದ್ದ. ಆದರೆ, ಮಗಳು ನನ್ನ ಮಾತು ಕೇಳಲಿಲ್ಲವಾದ್ದರಿಂದ ಹತ್ಯೆ ಮಾಡಿರುವುದಾಗಿ ಮುಸ್ತಾಕೀಮ್ ವಿವರಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

English summary

A Muslim man has been arrested for killing his 18 year old daughter (Rehana Parveen), who was in love with a Hindu youth (Bhoora Prajapati) in Mawaithakuran village of Moradabad Districts, Uttar Pradesh,