ಸಚಿನ್ ವಿಶ್ವಕಪ್ ಕ್ರಿಕೆಟ್ ನ ರಾಯಭಾರಿ

By Mrutyunjaya Kalmat

Published: Wednesday, February 9, 2011, 16:27 [IST]

ಮುಂಬೈ, ನ. 12 : ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್(ಐಸಿಸಿ) 2011ರ ಏಕದಿನ ವಿಶ್ವಕಪ್‌ ನ ಪ್ರಚಾರ ರಾಯಭಾರಿಯನ್ನಾಗಿ ಆಯ್ಕೆ ಮಾಡಿದೆ.

ವಿಶ್ವಕಪ್‌ಗೆ ಇನ್ನೂ 100 ದಿನಗಳಷ್ಟು ಬಾಕಿ ಉಳಿದಿದ್ದು, ಅಂಬಾಸಿಡರ್ ಆಗಿ ಆಯ್ಕೆಗೊಂಡಿರುವ ಸಚಿನ್ ತೆಂಡುಲ್ಕರ್ ವಿಶ್ವದ ಮೂರನೇ ಅತಿ ದೊಡ್ಡ ಕೂಟವೆನಿಸಿರುವ ಐಸಿಸಿ ವಿಶ್ವಕಪ್ ಕ್ರಿಕೆಟ್‌ ನ ಪ್ರಚಾರ ಕಾರ್ಯದಲ್ಲಿ ತೊಡಗಲಿದ್ದಾರೆ. ಬಾಂಗ್ಲಾದೇಶ ಭಾರತ ಮತ್ತು ಶ್ರೀಲಂಕಾ ರಾಷ್ಟ್ರಗಳು 2011ರ ವಿಶ್ವಕಪ್ ಕ್ರಿಕೆಟ್‌ನ ಆತಿಥ್ಯ ವಹಿಸಲಿದ್ದು, ಈ ಕೂಟವು ಫೆಬ್ರವರಿ 19ರಿಂದ ಎಪ್ರಿಲ್ 2ರವರೆಗೆ ನಡೆಯಲಿದೆ.

ಏಕದಿನ ವಿಶ್ವಕಪ್‌ಗೆ ಇನ್ನೂ 100 ದಿನಗಳು ಬಾಕಿಯಿದ್ದು, ತಾನು 2011ರ ವಿಶ್ವಕಪ್‌ನಲ್ಲಿ ಆಡಲು ಕಾತರದಿಂದ ಕಾಯುತ್ತಿದ್ದೇನೆ. ನಿಗದಿತ ಆಟದಲ್ಲಿ ಐಸಿಸಿ ವಿಶ್ವಕಪ್ ಉನ್ನತ ಮಟ್ಟದಲ್ಲಿದೆ. ಇಂತಹ ಪ್ರಮುಖ ಪಂದ್ಯಗಳಲ್ಲಿ ಆಡುವುದು ರೋಮಾಂಚನವುಂಟು ಮಾಡುತ್ತದೆ ಎಂದು ಸಚಿನ್ ಹರ್ಷ ವ್ಯಕ್ತಪಡಿಸಿದ್ದಾರೆ. ಸಚಿನ್ ಈ ಮೂಲಕ ಆರು ಬಾರಿ ವಿಶ್ವಕಪ್‌ನಲ್ಲಿ ಆಡಿದಂತಾಗುತ್ತದೆ. ಪಾಕಿಸ್ತಾನದ ಜಾವೇದ್ ಮಿಯಾಂದಾದ್ ಸಹ ಆರು ಬಾರಿ ವಿಶ್ವಕಪ್‌ನಲ್ಲಿ ಆಟವಾಡಿದ್ದಾರೆ.

Published On February 9, 2011