ಅಮೆರಿಕದಲ್ಲೂ ಪೌಷ್ಟಿಕ ಆಹಾರಕ್ಕೆ ಬರ

ವಾಷಿಂಗ್ಟನ್, ಸೆ.4: ಅಮೆರಿಕದಲ್ಲಿ 49ಮಿಲಿಯನ್ ಜನರು ನಿಯಮಿತವಾದ ಪೌಷ್ಟಿಕ ಆಹಾರ ಲಭಿಸದೆ ನರಳುತ್ತಿದ್ದಾರೆ. ಇದು ಅವರ ದೈಹಿಕ, ಮಾನಸಿಕ ಹಾಗೂ ಸಾಮಾಜಿಕ ಸಮಸ್ಯೆಗಳಿಗೆ ಕಾರಣವಾಗಿದೆ ಎಂದು ವರದಿಯೊಂದು ತಿಳಿಸಿದೆ.

ಅಮೆರಿಕದ ಶೇ.15 ರಷ್ಟು ನಿವಾಸಿಗಳು 2008ರಲ್ಲಿ ಆಹಾರದ ಅಭದ್ರತೆಗೆ ಸಿಲುಕಿದ್ದರು ಎಂದು ಅಮೆರಿಕನ್ ಡೈಯೆಟಿಕ್ ಅಸೋಸಿಯೇಶನ್ (ADA)ವರದಿ ತಿಳಿಸಿದೆ. ಇದು ಬಡತನಕ್ಕೆ ಸಂಬಂಧಿಸಿದ್ದಾಗಿದೆ. ಆದರೆ ಆರ್ಥಿಕ ಬಿಕ್ಕಟ್ಟಿನ ಕಾರಣದಿಂದ ಇನ್ನಷ್ಟು ಅಮೆರಿಕನ್ನರು ಇಂತಹ ಆಹಾರ ಕೊರತೆಯನ್ನೆದುರಿಸಲಿದ್ದಾರೆ ಎಂದು ವರದಿ ಹೇಳಿದೆ.

ಇದು ಮಾನಸಿಕ, ಆರೋಗ್ಯ ವೆಚ್ಚ, ದುರ್ಬಲ ಶೈಕ್ಷಣಿಕ ಅವಕಾಶ, ಸಾಗಣೆ ವೆಚ್ಚ, ಅಶಾಂತಿ, ಧೂಮಪಾನದಂತಹ ಪಿಡುಗಿನ ಹೆಚ್ಚಳಕ್ಕೂ ಕಾರಣವಾಗಿದೆ ಎನ್ನಲಾಗಿದೆ.ಕೆಲವು ಅಮೆರಿಕನ್ ನಗರಗಳಲ್ಲಿ ಸಿಗರೇಟ್ ಪ್ಯಾಕೇಟ್ ಒಂದರ ಬೆಲೆ 7 ಡಾಲರ್‌ಗೂ ಮೀರಿದೆ. ಮಾನವ ಮೂಲಭೂತ ಅಗತ್ಯಗಳು ಹಾಗೂ ಹಕ್ಕುಗಳಲ್ಲಿ ಒಂದಾದ ಆಹಾರ ಒದಗಿಸಲು ಸಾರ್ವಜನಿಕವಾಗಿ ಕಾರ್ಯಕ್ರಮಗಳನ್ನು ಶೀಘ್ರದಲ್ಲೇ ಹಮ್ಮಿಕೊಳ್ಳುವ ಅಗತ್ಯವಿದೆ ಎಂದು ವರದಿ ತಿಳಿಸಿದೆ.