• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರೋಮ್ ಗೆ ಹೋಗಿ ಇಸ್ಲಾಂ ಸೇರಿ ಎಂದ ಮುಸ್ಲೀಮ

By Mahesh
|
ರೋಮ್, ಸೆ.1: ಯುರೋಪಿನ ಕ್ರೈಸ್ತರು ಇಸ್ಲಾಮಿಗೆ ಮತಾಂತರಗೊಳ್ಳಬೇಕು ಎಂದು ಹೇಳುವ ಮೂಲಕ ಲಿಬಿಯಾ ನಾಯಕ ಮೊಮ್ಮರ್ ಗಡಾಫಿ ರೋಮ್ ಭೇಟಿಯ ವೇಳೆ ಭಾರೀ ವಿವಾದವೊಂದನ್ನು ಹುಟ್ಟುಹಾಕಿದ್ದಾರೆ.

ಗಡಾಫಿ ಭಾಷಣವನ್ನು ಇಟಾಲಿಯನ್ ಕಾನೂನು ತಜ್ಞರು ತೀವ್ರವಾಗಿ ಖಂಡಿಸಿದ್ದರಲ್ಲದೆ, ಗಡಾಫಿ ಜೊತೆ ಅಗತ್ಯಕ್ಕಿಂತ ಹೆಚ್ಚಿನ ಸ್ನೇಹ ಒಳ್ಳೆಯದಲ್ಲ ಎಂದು ಇಟಲಿ ಪ್ರಧಾನಿ ಸಿಲ್ವಿಯೋ ಬರ್ಲೂಸ್ಕೋನಿಗೆ ಕಿವಿಮಾತು ಹೇಳಿದ್ದಾರೆ.

ಇಸ್ಲಾಂ ಅತ್ಯುನ್ನತವಾದ ಧರ್ಮ. ಏಕನಿಷ್ಠೆ ಹೊಂದಬೇಕಾದರೆ ನೀವು ಪ್ರವಾದಿ ಮೊಹಮ್ಮದ್ ರನ್ನು ಹಿಂಬಾಲಿಸಿರಿ ಎಂದು ಗಡಾಫಿ ಹೇಳಿದ್ದರು. ಅಲ್ಲದೆ 500 ಕ್ಕೂ ಹೆಚ್ಚು ಯುವತಿಯರಿಗೆ ಖುರಾನ್ ನ ಪ್ರತಿಗಳನ್ನು ನೀಡಿ ಯುರೋಪಿಯನ್ನರು ಆದಷ್ಟು ಬೇಗ ಇಸ್ಲಾಂ ಧರ್ಮಕ್ಕೆ ಸೇರಿದರೆ ಒಳಿತು ಎಂದಿದ್ದರು.

ಮತ ಪ್ರಚಾರವೆ ಗಡಾಫಿ ಉದ್ದೇಶ?: ರೋಮ್ ಜೊತೆಗಿನ ಸ್ನೇಹ ಒಪ್ಪಂದದ ಎರಡನೇ ವರ್ಷಾಚರಣೆ ಅಂಗವಾಗಿ ರೋಮ್‌ಗೆ ಭೇಟಿ ನೀಡಿದ್ದ ವೇಳೆಯೇ ಗಡಾಫಿ ಈ ಹೇಳಿಕೆ ನೀಡುವ ಮೂಲಕ ಸ್ನೇಹದ ಮೂಲಕ್ಕೇ ಪೆಟ್ಟು ನೀಡಿದ್ದಾರೆ. ಅಚ್ಚರಿಯ ಅಂಶವೆಂದರೆ ಈ ಯುವತಿಯರು ಅದರಲ್ಲೂ ವಿದ್ಯಾರ್ಥಿನಿಯರನ್ನು 70 ರಿಂದ 80 ಯೂರೋ ನೀಡಿ ಸಭೆಗೆ ಕರೆ ತರಲಾಗಿತ್ತು. ಸಾಂಪ್ರದಾಯಿಕ ಬಟ್ಟೆ ಧರಿಸಿ ಸಭೆಯಲ್ಲಿ ಪಾಲ್ಗೊಳ್ಳುವಂತೆ ಸೂಚಿಸಲಾಗಿತ್ತು.

ಸೋಮವಾರ ರೋಮ್‌ನ ಲಿಬಿಯನ್ ಕಲ್ಚರಲ್ ಸೆಂಟರ್ ನಲ್ಲಿ ನಡೆದ ಗಡ್ಡಾಫಿಯ ಇಂತಹುದೇ ಇನ್ನೊಂದು ಸಭೆಗೆ 200 ಮಂದಿ ಮಹಿಳೆಯರನ್ನು ಸೇರಿಸಲಾಗಿತ್ತು. ಸಭೆಯಲ್ಲಿ ಇಸ್ಲಾಮಿನ ಪ್ರಚಾರವನ್ನೇ ಆತ ಮಾಡಿದ್ದು, ಮತ ಪ್ರಚಾರಕ್ಕಾಗಿ ಕೋಟ್ಯಾಂತರ ಹಣ ವ್ಯಯಿಸಲಾಗಿದೆ ಎಂದು ಇಟಲಿಯ ಪತ್ರಿಕೆಗಳು ಕಿಡಿಕಾರಿವೆ.

'ಈ ಉಪನ್ಯಾಸ ಯುರೋಪಿನ ಮಹಿಳೆಯರ ಘನತೆಗೇ ಮಾಡಿದ ಹೇಯ ಅವಮಾನವಾಗಿದೆ' ಎಂದು ಪ್ರತಿಪಕ್ಷ ನಾಯಕ ಹಾಗೂ ಮಾಜಿ ಇಟೆಲಿ ಆರೋಗ್ಯ ಸಚಿವೆ ರೋಸಿ ಕಿಡಿ ಕಾರಿದ್ದಾರೆ. 'ಇದು ಯುರೋಪನ್ನು ಇಸ್ಲಾಮೀಕರಣಗೊಳಿಸುವ ದುಷ್ಟ ಹಾಗೂ ಅಪಾಯಕಾರಿ ಯೋಜನೆಯಾಗಿದೆ'ಎಂದು ಯುರೋಪಿನ ಸಂಸದ ಮಾರಿಯೋ ಬೊರ್ಗೇಝಿಯೊ ಹೇಳಿದ್ದಾರೆ.

ವ್ಯಾಟಿಕನ್‌ನ ಪೋಪ್ ದ್ವಿತೀಯ ಜಾನ್‌ಪಾಲ್ ಭಾರತಕ್ಕೆ ಬಂದಿದ್ದಾಗ ಭಾರತವನ್ನು ಕ್ರಿಶ್ಚಿಯನ್ ಮಯಗೊಳಿಸುವಂತೆ ಕ್ರೈಸ್ತ ಮಿಷನರಿಗಳಿಗೆ ಕರೆ ನೀಡಿ ಆತಿಥ್ಯ ನೀಡಿದ ದೇಶದ ಸೌಜನ್ಯಕ್ಕೇ ಪೆಟ್ಟು ನೀಡಿದ್ದರೆ, ಇದೀಗ ಗಡ್ಡಾಫಿ ಅದೇ ರೋಮ್‌ಗೆ ತೆರಳಿ ನೀಡಿರುವ ಹೇಳಿಕೆ ಕ್ರೈಸ್ತ ಜಗತ್ತಿನಲ್ಲಿ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Libyan leader Muammar Gaddafi has provoked anger in Italy after lecturing 200 young actresses and models on the superiority of Islam during his visit to the country.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more