ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕೋಕ ಕೋಲಾ ಮಾರಾಟದಲ್ಲಿ ಸತತ ಏರಿಕೆ

By Mahesh
|
Google Oneindia Kannada News

Coca Cola
ನವದೆಹಲಿ, ಜು.22: ಮೃದು ಪಾನೀಯ ತಯಾರಕ ಕಂಪೆನಿ ಕೋಕ ಕೋಲಾ ಇಂಡಿಯಾದ ಮಾರಾಟದಲ್ಲಿ ಕಳೆದ 16 ತ್ರೈಮಾಸಿಕಗಳಿಂದ ಸತತ ಏರಿಕೆ ದಾಖಲಾಗುತ್ತಿದೆ.

ಕಂಪೆನಿ ಕಳೆದ ಏಪ್ರಿಲ್ - ಜೂನ್ ತ್ರೈಮಾಸಿಕದಲ್ಲಿ ಶೇ.22 ಬೆಳವಣಿಗೆ ದಾಖಲಿಸಿದ್ದು, ಕಳೆದ 13 ತ್ರೈಮಾಸಿಕಗಳಲ್ಲಿ ಎರಡಂಕಿಗಳ ಬೆಳವಣಿಗೆ ದಾಖಲಿಸಿದೆ. ಕೋಕದ ಪ್ರತಿಸ್ಪರ್ಧಿ ಪೆಪ್ಸಿ ಕೂಡ ತನ್ನ ಕಳೆದ ತ್ರೈಮಾಸಿಕದಲ್ಲಿ ಎರಡಂಕಿಗಳ ಬೆಳವಣಿಗೆ ಕಂಡಿರುವುದಾಗಿ ಪ್ರಕಟಿಸಿದೆ.

ಕೋಕ ಕೋಲಾ ವಿಶ್ವಾದ್ಯಂತ ಇತರ ದೇಶಗಳ ಮಾರುಕಟ್ಟೆಯಲ್ಲಿ ಈ ಅವಧಿಯಲ್ಲಿ ಶೇ.5 ರಷ್ಟು ಸರಾಸರಿ ಬೆಳವಣಿಗೆ ದಾಖಲಿಸಿದೆ. ಈ ಅವಧಿಯಲ್ಲಿ ಕಂಪೆನಿಯ ನಿವ್ವಳ ಆದಾಯ ಶೇ.5 ರಷ್ಟು ಹೆಚ್ಚಿದೆ ಎಂದು ಕೋಕ ಕೋಲಾ ಇಂಡಿಯಾದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅತುಲ್ ಸಿಂಗ್ ಹೇಳಿದರು.

ಕಂಪೆನಿ ವಿತರಣೆ ಹಾಗೂ ಮಾರಾಟ ವಿಭಾಗಗಳಲ್ಲಿ ಸತತ ಹೂಡಿಕೆ ಮಾಡಿದ್ದರಿಂದ ಈ ಏರಿಕೆ ದಾಖಲಾಗಿದೆ ಎಂದು ಅವರು ತಿಳಿಸಿದರು. ಕಂಪೆನಿಯ ಹೊಸ ಉತ್ಪನ್ನಗಳಾದ ನಿಂಬು ಫ್ರೆಶ್ ಹಾಗೂ ಎನರ್ಜಿ ಪೇಯ ಬರ್ನ್ ನ್ನು ಬಿಡುಗಡೆಗೊಳಿಸಿದೆ. ಕಂಪೆನಿಯ ಬ್ರಾಂಡ್ ಬ್ರೆಜಿಲ್, ಮೆಕ್ಸಿಕೋ, ಫಿಲಿಪೈನ್ಸ್, ಟರ್ಕಿ, ಥೈ ಲ್ಯಾಂಡ್, ಅಮೆರಿಕ, ರಷ್ಯಾ ಮತ್ತು ಭಾರತದಲ್ಲಿ ಹೆಚ್ಚು ಬೆಳವಣಿಗೆ ದಾಖಲಿಸಿದೆ ಎಂದು ಕಂಪೆನಿ ಹೇಳಿದೆ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X