ಹಳೆ ಹುಲಿ ಉರುಗ್ವೆ ಬಗ್ಗೆ ಎಚ್ಚರವಿರಲಿ!

ರುಸ್ಟೆನ್‌ಬರ್ಗ್, ಜೂ.23 : ಫ್ರಾನ್ಸ್ ತಂಡದ ಹೀನಾಯ ನಿರ್ಗಮನ ಒಂದು ಕಡೆಯಲ್ಲಿ ಆಗುತ್ತಿದ್ದಂತೆ ಎ ಗುಂಪಿನಲ್ಲಿ ಉರುಗ್ವೆ ಮತ್ತು ಮೆಕ್ಸಿಕೋ ತಂಡಗಳು ಅಂತಿಮ16ರ ಸುತ್ತಿಗೆ ಪ್ರವೇಶ ಪಡೆದಿವೆ.

ಮಂಗಳವಾರ ನಡೆದ ಪ್ರಬಲ ಕಾದಾಟದಲ್ಲಿ ಉರುಗ್ವೆ ಮೆಕ್ಸಿಕೋ ವಿರುದ್ಧ1-0 ಅಂತರದಿಂದ ಗೆಲುವು ದಾಖಲಿಸಿತು. 43ನೇ ನಿಮಿಷದಲ್ಲಿ ಉರುಗ್ವೆಯ ಸ್ಟ್ರೈಕರ್ ಲೂಯಿಸ್ ಸುವಾರೆಜ್ ಸಿಡಿಸಿದ ಏಕೈಕ ಗೋಲಿನಿಂದ ಉರುಗ್ವೆ ಜಯ ಸಾಧಿಸಿತು.

ಈ ಜಯದಿಂದಾಗಿ ಎ ಗುಂಪಿನಲ್ಲಿ ಉರುಗ್ವೆ ಅಗ್ರಸ್ಥಾನದೊಂದಿಗೆ ಮುಂದಿನ ಹಂತಕ್ಕೇರಿದರೆ, ಮೆಕ್ಸಿಕೋ ಗೋಲು ಗಳಿಕೆಯ ಆಧಾರದಲ್ಲಿ ದಕ್ಷಿಣ ಆಫ್ರಿಕಾವನ್ನು ಹೊರಗಟ್ಟಿ ದ್ವಿತೀಯ ಸ್ಥಾನಿಯಾಗಿ ದ್ವಿತೀಯ ಸುತ್ತು ಪ್ರವೇಶ ಮಾಡಿತು. 1970 ಹಾಗೂ 1986 ರ ವಿಶ್ವಕಪ್ ಗಳಲ್ಲಿ ಕ್ವಾಟರ್ ಫೈನಲ್ ಹಂತ ಮುಟ್ಟಿದ್ದೇ ಮೆಕ್ಸಿಕೋ ತಂಡದ ಈವರೆಗಿನ ಸಾಧನೆ ಎನಿಸಿದೆ.

16ರ ಸುತ್ತಿನ ಮೊದಲ ಪಂದ್ಯ:ಜೂ.26ರಂದು ಪೋರ್ಟ್ ಎಲಿಜಬೆತ್ ನ ಸ್ಟೇಡಿಯಂನಲ್ಲಿ ನಡೆಯುವ ಪಂದ್ಯದಲ್ಲಿ ಬಿ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದಿರುವ ದಕ್ಷಿಣ ಕೊರಿಯಾವನ್ನು ಎದುರಿಸಲಿದೆ. ಭಾರತೀಯ ಕಾಲಮಾನ ಪ್ರಕಾರ 7.30 ಕ್ಕೆ ಪಂದ್ಯ ಆರಂಭವಾಗಲಿದೆ.

1930 ಮತ್ತು 1950 ರಲ್ಲಿ ಚಾಂಪಿಯನ್ ಆಗಿದ್ದ ಉರುಗ್ವೆ 1990 ರ ಬಳಿಕ ಇದೇ ಮೊದಲ ಬಾರಿಗೆ ದ್ವಿತೀಯ ಸುತ್ತು ಪ್ರವೇಶ ಮಾಡಿದೆ. 2002ರ ವಿಶ್ವಕಪ್ ನಲ್ಲಿ ನಾಲ್ಕನೇ ಸ್ಥಾನ ಪಡೆದಿದ್ದ ದಕ್ಷಿಣ ಕೊರಿಯಾ ಉತ್ತಮ ಹೋರಾಟ ನೀಡುವುದಂತೂ ಖಂಡಿತ.

English summary

Uruguay progressed to the knock-out stages of the World Cup by clinching top place of Group A and will play Korea republic in round 16.