ಇನ್ಫೋಸಿಸ್ ಬಿಪಿಓ ಆದಾಯ ಹೆಚ್ಚಳ ನಿರೀಕ್ಷೆ

ಬೆಂಗಳೂರು,ಜೂ.೧10: ದೇಶದಎರಡನೇ ಅತೀ ದೊಡ್ಡ ಸಾಫ್ಟ್ ವೇರ್ ರಫ್ತು ಕಂಪೆನಿ ಇನ್ಫೋಸಿಸ್ ನ ಹೊರಗುತ್ತಿಗೆ ಕಂಪೆನಿ ಇನ್ಫೋಸಿಸ್ ಬಿಪಿಓ 2010-11ರಲ್ಲಿ ಆದಾಯ ಹೆಚ್ಚಳ ನಿರೀಕ್ಷೆಯಲ್ಲಿದೆ. ಶೇ.15 ರಿಂದ 20ರಷ್ಟು ಏರಿಕೆ ಆಗಲಿದೆ ಎಂದುಮುಖ್ಯ ಅಧಿಕಾರಿ ಡಿ ಸ್ವಾಮಿನಾಥನ್ ಹೇಳಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡುತಿದ್ದ ಅವರು ಈ ಹಣಕಾಸು ವರ್ಷದಲ್ಲಿ ಕಂಪೆನಿಯ ನಿವ್ವಳ ಲಾಭ ಶೇ.20-22ರಷ್ಟು ಹೆಚ್ಚಳವಾಗಲಿದೆ ಎಂದರು. ಇನ್ಫೋಸಿಸ್ ತನ್ನ ಹೊರಗುತ್ತಿಗೆ ವಹಿವಾಟಿಗೆ ಪ್ರತ್ಯೇಕ ಘಟಕ ಇನ್ಫೋಸಿಸ್ ಬಿಪಿಓವನ್ನು 2002ರಲ್ಲಿ ಸ್ಥಾಪಿಸಿತ್ತು. ಕಳೆದ ಹಣಕಾಸು ವರ್ಷದಲ್ಲಿ ಕಂಪೆನಿಯ ಆದಾಯದಲ್ಲಿ ಶೇ.11 ಹಾಗೂ ನಿವ್ವಳ ಆದಾಯದಲ್ಲಿ ಶೇ 22 ಏರಿಕೆ ದಾಖಲಿಸಿದ್ದು ಒಟ್ಟು 16,400 ಉದ್ಯೋಗಿಗಳನ್ನು ಹೊಂದಿದೆ.