ನಾರದ ವಿಜಯ ಚೀನಾದಲ್ಲಿ ರಿಮೇಕ್ !

Image Source:

ಶಾಂಘೈ, ಮೇ. 25: 1980ರಲ್ಲಿ ಕನ್ನಡದಲ್ಲಿ ಒಂದು ಚಿತ್ರಬಂದಿತ್ತು. ನಾರದ ವಿಜಯ ಅಂತ ಅದರ ಹೆಸರು. ನಾಯಕಿಯ ತಂದೆ ಅಶ್ವಥ್ ರವರು ಇಂಧನ ಇಲ್ಲದೇ ಚಲಿಸಬಲ್ಲ ಕಾರನ್ನು ಕಂಡು ಹಿಡಿದಿರುತ್ತಾರೆ. ಇದನ್ನು ದುರುಪಯೋಗ ಪಡಿಸಿಕೊಂಡು, ಹಣಗಳಿಸುವ ಸಲುವಾಗಿ ಕೇಡಿಗಳು (ಸುಧೀರ್ ‍& ತೂಗ್‌ ದೀಪ್) ಅಶ್ವತ್‌ ರನ್ನು ಅಪಹರಿಸಿರುತ್ತಾರೆ. ನಂತರ ಏನಾಯ್ತು ಅನ್ನೋದೇ ಚಿತ್ರಕಥೆ. OK.

ಈಗ ಚೀನಾದವರು ಇದೇ ಸಾಧನೆಯನ್ನು ನಿಜ ಜೀವನದಲ್ಲಿ ಸಾಧಿಸಿದ್ದಾರೆ. ವಾತಾವರಣದಲ್ಲಿರುವ ಗಾಳಿ (CO2) ಮತ್ತು ನೀರನ್ನು ಹೀರಿಕೊಂಡು, ಅದನ್ನು ವಿದ್ಯುಚ್ಛಕ್ತಿಯಾಗಿ ಪರಿವರ್ತಿಸಿ, ಇದೇ ಶಕ್ತಿಯಿಂದ ಕಾರು ಚಲಿಸುವಂತೆ ಮಾಡಿದ್ದಾರೆ. ಆಮ್ಲಜನಕವು ಉಪಉತ್ಪನ್ನ.

ಕಾರಿನ ಹೆಸರು "yea-zi". ಅಂದರೆ ಅವರ ಭಾಷೆಯಲ್ಲಿ "ಎಲೆ" ಎಂಬರ್ಥ ಇದೆ. ದ್ಯುತಿಸಂಶ್ಲೇಷಣೆ ಮೂಲಕ ಸಸ್ಯಗಳು ಮಾತ್ರವಲ್ಲ ಇನ್ನು ಮುಂದೆ ಚೀನಾದ ಕಾರುಗಳು ಸಹ ಉಸಿರಾಡಬಲ್ಲವು ಎನ್ನುವ ಸುದ್ದಿ ಓದಿ ನೀವು ಏದುಸಿರುಪಡುವ ಅಗತ್ಯವಿಲ್ಲ. ರಿಲ್ಯಾಕ್ಸ್.