ಇರಾನ್ ದೇಶದಲ್ಲಿ ಮತ್ತೊಬ್ಬನಿಗೆ ಗಲ್ಲು

ಇರಾನ್, ಮೇ. 21 : ಮಾದಕ ವಸ್ತುವನ್ನು ಅಕ್ರಮವಾಗಿ ಸಂಗ್ರಹಿಸಿ ಇಟ್ಟುಕೊಂಡಿದ್ದ ಇರಾನ್‌ ದೇಶದ ಯುವಕನೊಬ್ಬನಿಗೆ ಗಲ್ಲು ಶಿಕ್ಷೆ ಆಗಿದೆ. ಆ ಯುವಕನ ಬಳಿ 1.375 ಕಿಲೋ ಹೆರಾಯಿನ್‌ ಸಿಕ್ಕಿದ್ದು, ದೇಶದ ಕಾನೂನಿನ ಪ್ರಕಾರ ಅರೋಪಿಯನ್ನು ಸಾರ್ವಜನಿಕವಾಗಿ ಗಲ್ಲಿಗೇರಿಸಲಾಗಿದೆ. ಪ್ರಸಕ್ತ ವರ್ಷದಲ್ಲಿ ನಾನಾ ಅಪರಾಧಗಳಿಗಾಗಿ ಈ ದೇಶದಲ್ಲಿ ಗಲ್ಲಿಗೆ ಏರಿದವರ ಸಂಖ್ಯೆ ಅಂದಾಜು 64.

ಕಳೆದ ವರ್ಷ 270 ಅಪರಾದಧಿಗಳನ್ನು ಗಲ್ಲಿಗೇರಿಸಲಾಗಿತ್ತು. ಆ ನೆಲದಲ್ಲಿ ಕೊಲೆ, ಅತ್ಯಾಚಾರ, ಡಕಾಯಿತಿ ಹಾಗೂ ಕಾನೂನು ಬಾಹಿರ ಮಾದಕ ವಸ್ತು ಸಂಗ್ರಹಣೆ ಇಂಥದ್ದಕ್ಕೆಲ್ಲಾ ಗಲ್ಲು ಸೇವೆ ಖಂಡಿತ. ಒಂದೊಂದು ದೇಶದ ಸಂವಿಧಾನ ಒಂದು ತರಹ. ಅತ್ಯಾಚಾರ ಪ್ರಕರಣದಲ್ಲಿ ಸಿಕ್ಕಿಬಿದ್ದರಂತೂ ಮುಗಿದೇ ಹೋಯಿತು.