ಸೇವೆ : ಅಕ್ಷಯ ಪಾತ್ರ ಫೌಂಡೇಷನ್ ಗೆ ಪ್ರಶಸ್ತಿ

ಬೆಂಗಳೂರು, ಮೇ. 19 : ಅಕ್ಷಯ ಪಾತ್ರೆ ಪ್ರತಿಷ್ಠಾನಕ್ಕೆ 2010ರ ಶಿಕ್ಷಣ ವರ್ಗ ಮತ್ತು ಸಾಮಾಜಿಕ ಬದಲಾವಣೆ ವಿಭಾಗದ ಅಡಿ ಲೀಪ್ ವಾಲ್ಟ್ ಚೇಂಜ್ ಪ್ರಶಸ್ತಿ ದೊರೆಕಿದೆ. ಈ ಪ್ರಶಸ್ತಿಯನ್ನು ಮುಂಬೈನಲ್ಲಿ ನಡೆದ ಸಮಾರಂಭವೊಂದರಲ್ಲಿ ಪ್ರತಿಷ್ಠಾನದ ಮುಖ್ಯಸ್ಥ ಚಂಚಲಪತಿ ದಾಸ್ ಅವರಿಗೆ ಕೇಂದ್ರ ಕಂಪನಿ ವ್ಯವಹಾರ ಮತ್ತು ಅಲ್ಪಸಂಖ್ಯಾತರ ಖಾತೆ ಸಚಿವ ಸಲ್ಮಾನ್ ಖುರ್ಷಿದ್ ನೀಡಿದರು.

ಈ ಪ್ರಶಸ್ತಿಯನ್ನು ವ್ಯವಹಾರ, ರಾಜಕೀಯ, ಮಾಧ್ಯಮ, ಮನರಂಜನೆ, ಕ್ರೀಡೆ, ಆರೋಗ್ಯ, ರಕ್ಷಣೆ ಮತ್ತಿತರ ಕ್ಷೇತ್ರದ ಸಾಧಕರಿಗೆ ನೀಡಲಾಗುತ್ತಿದೆ. ಪ್ರತಿಷ್ಠಾನ ಪ್ರತಿದಿನ 1.2 ದಶಲಕ್ಷ ಮಕ್ಕಳಿಗೆ ಊಟ ಒದಗಿಸುತ್ತಿರುವ ಬೃಹತ್ ಎನ್ ಜಿಓ ಆಗಿರುವ ಹಿನ್ನೆಲೆಯಲ್ಲಿ ಈ ಪ್ರಶಸ್ತಿ ಲಭಿಸಿದೆ.