ಸಚಿನ್ ಟ್ವೀಟ್ ಮೇಲೆ ಎಲ್ಲರ ಕಣ್ಣು
ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್.ಕಾಂ ಗೆ ಸಚಿನ್ ಕಾಲಿರಿಸುತ್ತಿದ್ದಂತೆ ಅಭಿಮಾನಿಗಳು ಹಿಂಬಾಲಕರ ಸಂಖ್ಯೆ ಕ್ಷಣ ಕ್ಷಣಕ್ಕೂ ಹೆಚ್ಚುತ್ತಿದೆ. ಟ್ವಿಂಟಿ20 ಪಂದ್ಯಗಳಲ್ಲಿ ಸಚಿನ್ ಸ್ಟ್ರೈಕ್ ರೇಟ್ ಅನ್ನು ಮೀರಿಸುವಂತಿದೆ ಈ ಬೆಳವಣಿಗೆ. ಸದ್ಯಕ್ಕೆ ಸುಮಾರು 27,949 ಹಿಂಬಾಲಕರನ್ನು ಸಚಿನ್ ಹೊಂದಿದ್ದಾರೆ.
ಸೆಹ್ವಾಗ್ ಗೆ ಎರಡನೆ ಮಗುವಾಗಿದ್ದಕ್ಕೆ ಶುಭ ಕೋರಿರುವ ಸಚಿನ್ , ತಮ್ಮ ಕೈಗಾದ ಗಾಯ ವಾಸಿಯಾಗಿದೆ. ಡಾಕ್ಟರ್ ಇನ್ನೂ ವಿಶ್ರಾಂತಿ ಅಗತ್ಯವಿದೆ ಎನ್ನುತ್ತಿದ್ದಾರೆ. ಈ ಬಗ್ಗೆ ಮತ್ತೆ ತಿಳಿಸುವೆ ಎಂದು ಟ್ವೀಟ್ ಮಾಡಿದ್ದಾರೆ. ಬಾಲಿವುಡ್ ನಟ, ನಟಿಯರ ನಂತರ ಸಿನಿಮಾದಂತೆ ಗ್ಲಾಮರಸ್ ಆದ ಕ್ರಿಕೆಟ್ ಲೋಕದ ದಿಗ್ಗಜರು ಟ್ವಿಟ್ಟರ್ ಲೋಕಕ್ಕೆ ಕಾಲಿರಿಸುತ್ತಿದ್ದಾರೆ.
ವಿಡಿಯೋ: ಟ್ವೀಟರ್ ಲೋಕಕ್ಕೆ ಸಚಿನ್ ಎಂಟ್ರಿ
166 ಟೆಸ್ಟ್ ಪಂದ್ಯಗಳಲ್ಲಿ 55.56 ಸರಾಸರಿಯಂತೆ 13,447 ರನ್ ಗಳಿಸಿರುವ ಸಚಿನ್ , 442 ಏಕದಿನ ಪಂದ್ಯಗಳಲ್ಲಿ 45.12 ಸರಾಸರಿಯಂತೆ 17598 ರನ್ ಗಳಿಸಿದ್ದಾರೆ. ಕ್ರಿಕೆಟ್ ರಂಗದಲ್ಲಿ ಕಾಲಿರಿಸಿ 20 ವರ್ಷವಾದರೂ 37 ವರ್ಷದ ಸಚಿನ್ ಅವರ ಉತ್ಸಾಹ ಕುಗ್ಗಿಲ್ಲ.
ಲತಾ ಮಂಗೇಷ್ಕರ್, ಕಿಶೋರ್ ಕುಮಾರ್ ಹಾಡುಗಳನ್ನು ಸದಾ ಕೇಳುವ ಸಚಿನ್, ಟ್ವೀಟ್ ಮೇಲೆ ಎಲ್ಲರ ಕಣ್ಣು ಬಿದ್ದಿದೆ. ಸಚಿನ್ ಅವರ ಟ್ವೀಟ್ ಗಳು ಇಂಗ್ಲೀಷ್ ಭಾಷೆಯಲ್ಲಿದ್ದೂ, ಮರಾಠಿ ಮಾನುಸ್ ಗಳ ಕಣ್ಣಿಗೆ ಬಿದ್ದು, ಮರಾಠಿ ಬಳಸುವಂತೆ ಫತ್ವಾ ಹೊರಡಿಸಿದರೆ ಅಚ್ಚರಿಯೇನಿಲ್ಲ.