ಸಿಪಿ ಯೋಗೀಶ್ವರ್ ವಿರುದ್ಧ ಆರೋಪ ಪಟ್ಟಿ

ಚನ್ನಪಟ್ಟಣ, ಮಾ. 27 : ಮೆಗಾ ಸಿಟಿ ಯೋಜನೆ ಅಡಿ ಗ್ರಾಹಕರಿಗೆ ಕೋಟ್ಯಂತರ ರೂ. ಮೋಸ ಎಸಗಿದ ಆರೋಪ ಎದುರಿಸುತ್ತಿರುವ ಮಾಜಿ ಶಾಸಕ ಸಿ.ಪಿ.ಯೋಗೀಶ್ವರ ವಿರುದ್ಧ ಸಿಐಡಿ ಪೊಲೀಸರು ಆರೋಪ ಪಟ್ಟಿ ಸಲ್ಲಿಸಿದ್ದಾರೆ.

ಯೋಗೀಶ್ವರ ಸೇರಿದಂತೆ ಮೆಗಾ ಸಿಟಿ ಯೋಜನೆಯ ಇನ್ನಿತರ ನಿರ್ದೇಶಕರಾದ ಗಂಗಾಧರೇಶ್ವರ, ಮಹಾದೇವಯ್ಯ ಹಾಗೂ ಎಚ್.ಆರ್.ರಮೇಶ್ ವಿರುದ್ಧ ಮಾ.18ರಂದು 1ನೇ ಎಸಿಎಂಎಂ ಕೋರ್ಟ್‌ನಲ್ಲಿ ಸಿಐಡಿ ಪೊಲೀಸರು ಆರೋಪ ಪಟ್ಟಿ ಸಲ್ಲಿಸಿದ್ದಾರೆ. (ಪಿ.ಸಿ.ನಂ 10389 / 2010 ) ಸೆಕ್ಷನ್ 418 ಹಾಗೂ 420ರ ಅಡಿ ಈ ನಾಲ್ವರ ವಿರುದ್ಧ ಆರೋಪ ಪಟ್ಟಿ ಸಲ್ಲಿಸಲಾಗಿದ್ದು, ಈ ಸಂಬಂಧ ದೂರು ನೀಡಿದವರಿಗೆ ಸ್ವೀಕೃತ ಪ್ರತಿ ಕಳುಹಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.