ಏಪ್ರಿಲ್ 1ರಿಂದ ಇಂಧನಗಳು ಅಲ್ಪ ತುಟ್ಟಿ

ನವದೆಹಲಿ, ಮಾ. 24 : ದೇಶದ ಪ್ರಮುಖ 13 ಮೆಟ್ರೋ ನಗರಗಳಲ್ಲಿ ಏಪ್ರಿಲ್ 1 ರಿಂದ ಯುರೋ 5 ಮಿಶ್ರಿತ ಪೆಟ್ರೋಲ್ ಹಾಗೂ ಡಿಸೇಲ್ ದರವನ್ನು ಅಲ್ಪ ಪ್ರಮಾಣದಲ್ಲಿ ಏರಿಸುವುದಾಗಿ ಪೆಟ್ರೋಲಿಯಂ ಇಲಾಖೆ ಘೋಷಿಸಿದೆ.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಯುರೋ 5 ಮಿಶ್ರಿತ ಇಂಧನದ ಬೆಲೆ ಏರಿಕೆಯಾಗಿದ್ದು, ಇಲಾಖೆಗೆ ಬರಬೇಕಿದ್ದ ಭಾರಿ ಪ್ರಮಾಣದ ತೆರಿಗೆ ನಷ್ಟವಾಗುತ್ತಿದೆ. ಇದರಿಂದ ಏಪ್ರಿಲ್ 1 ರಿಂದ ಬೆಂಗಳೂರು, ದೆಹಲಿ, ಮುಂಬೈ, ಚೆನ್ನೈ, ಕೊಲ್ಕತ್ತಾ, ಹೈದರಾಬಾದ್ ಹಾಗೂ ಅಹಮದಾಬಾದ್ ನಗರಗಳಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಗೆ 46 ಪೈಸೆ ಮತ್ತು ಪ್ರತಿ ಲೀಟರ್ ಡಿಸೇಲ್ ಗೆ 26 ಪೈಸೆಯಷ್ಟು ಹೆಚ್ಚಿಸಲಾಗುವುದು ಎಂದು ಪೆಟ್ರೋಲಿಯಂ ಇಲಾಖೆ ಕಾರ್ಯದರ್ಶಿ ಎಸ್ ಸುಂದರೇಶನ್ ಹೇಳಿದ್ದಾರೆ.