ಕಬ್ಬನ್ ಪಾರ್ಕ್ ನಲ್ಲಿ 'ಪ್ರಕೃತಿ' ಮಹಿಳಾ ದಿನಾಚರಣೆ

ಬೆಂಗಳೂರು, ಮಾ. 4: ಸತತವಾಗಿ 43 ವಾರಗಳಿಂದ ಕಬ್ಬನ್ ಪಾರ್ಕಿನಲ್ಲಿ ಪ್ರಕೃತಿ ಸಂಸ್ಥೆ 'ಪ್ರಕೃತಿ ಹಬ್ಬ ' ಎಂಬ ಹೆಸರಿನಲ್ಲಿ ಗಾಯನ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಆಯೋಜಿಸುತ್ತಾ ಬಂದಿದೆ. ಮಾ. 8 ಮಹಿಳಾ ದಿನಾಚರಣೆ ದಿನದಂದು ವಿಶೇಷ ವಾದ್ಯಗೋಷ್ಠಿಯನ್ನು ಹಮ್ಮಿಕೊಂಡು ವಿನೂತನ ಕಾರ್ಯಕ್ರಮ ನೀಡಲು ಪ್ರಕೃತಿ ತಂಡ ಅಣಿಯಾಗಿದೆ.

ಟಿವಿ ರಿಯಾಲಿಟಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದಂತಹ ಕರ್ನಾಟಕದ ಉದಯೋನ್ಮುಖ ಗಾಯಕಿಯರನ್ನುಳ್ಳ ಸಂಪೂರ್ಣ ಮಹಿಳಾ ವಾದ್ಯಗೋಷ್ಠಿ ಅಲ್ಲಿರುತ್ತದೆ. ಸುವರ್ಣಾ ರಾಥೋಡ್, ಪೂಜಾ ರಾವ್, ನಂದಿನಿ ಐತಾಳ್, ಜ್ಯೋತಿ, ಭವ್ಯ ಹೆಬ್ಬಾಳೆ , ಪೂರ್ಣಿಮಾ, ಮಾಧುರಿ ಕಶ್ಯಪ್ ಮುಂತಾದ ಗಾಯಕಿಯರು ತಮ್ಮ ಇಂಪಾದ ಗಾಯನದಿಂದ ಎಲ್ಲರನ್ನು ರಂಜಿಸಲಿದ್ದಾರೆ. ಅಂದು ಕನ್ನಡ ಚಿತ್ರರಂಗದ ಖ್ಯಾತ ಹಿನ್ನೆಲೆ ಗಾಯಕಿಯರು ಹಾಡಿರುವ ಗೀತೆಗಳು, ಯುಗಳ ಗೀತೆಗಳನ್ನು ಹಾಡಲಾಗುತ್ತದೆ. ಈ ಕಾರ್ಯಕ್ರಮಕ್ಕೆ ಪ್ರವೇಶ ಉಚಿತವಾಗಿರುತ್ತದೆ.

ಕಾರ್ಯಕ್ರಮದ ವಿವರ:
ಸ್ಥಳ : ಬ್ಯಾಂಡ್ ಸ್ಟಾಂಡ್ ಕಬ್ಬನ್ ಪಾರ್ಕ್
ದಿನಾಂಕ : 7 ಮಾರ್ಚ್ 2010 ಭಾನುವಾರ
ಸಮಯ : ಸಂಜೆ 5 ರಿಂದ 7 ಗಂಟೆಯ ವರೆಗೆ