ಕೊಡಗು : ಅಶ್ಲೀಲ ಚಿತ್ರ ಕ್ಲಿಕ್ಕಿಸಿದ ಇಬ್ಬರ ಬಂಧನ

ಮಡಿಕೇರಿ, ಫೆ. 17 : ಸ್ಟುಡಿಯೋದಲ್ಲಿ ಅಶ್ಲೀಲ ಫೋಟೋ ಕ್ಲಿಕ್ಕಿಸಿ, ಸಿಡಿ ಮತ್ತು ವಿಡಿಯೋ ತಯಾರಿಸಿ ಬ್ಲಾಕ್ ಮೇಲ್ ಮಾಡುತ್ತಿದ್ದ ವ್ಯಕ್ತಿಗಳಿಬ್ಬರನ್ನು ಶುಂಠಿಕೊಪ್ಪ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ. ಅವರಿಂದ ಎರಡು ಕಂಪ್ಯೂಟರು ಮತ್ತು ಅಶ್ಲೀಲ ಸಿಡಿಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸ್ಟುಡಿಯೋದಲ್ಲಿ ಅಶ್ಲೀಲ ಚಿತ್ರ ತೆಗೆಯುತ್ತಿದ್ದ ಬಗ್ಗೆ ಕೆಲವರು ದೂರು ನೀಡಿದ ಹಿನ್ನೆಲೆಯಲ್ಲಿ ದಾಳಿ ನಡೆಸಿ ಶಶಿ ಸ್ಟುಡಿಯೋದ ಮಾಲಿಕ ಶಶಿ ಮತ್ತು ವಿಶ್ವ ಎಂಬಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಅನೇಕ ಅಶ್ಲೀಯ ಸಿಡಿಗಳನ್ನು ಆರೋಪಿಗಳಿಬ್ಬರು ನಾಶಪಡಿಸಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ.

ವಿಚಾರಣೆಯಲ್ಲಿ ಅವರಿಬ್ಬರು 15 ವಯಸ್ಸಿನ ಬಾಲೆಯ ಮೇಲೆ ಮತ್ತು ಬರುವ ಪದಾರ್ಥ ನೀಡಿ ಅತ್ಯಾಚಾರವೆಸಗಿರುವುದು ಮತ್ತು ಅಶ್ಲೀಲ ವಿಡಿಯೋ ತಯಾರಿಸಿರುವುದು ಬೆಳಕಿಗೆ ಬಂದಿದೆ. ಅವರಿಬ್ಬರು ಇಡೀ ರಾತ್ರಿ ಬಾಲೆಯ ಮೇಲೆ ಅತ್ಯಾಚಾರವೆಸಗಿ ಬೆಳಗಿನ ಜಾವದಲ್ಲಿ ಆಕೆಯನ್ನು ಬಿಡುಗಡೆ ಮಾಡಿದ್ದರು.