ಸಿಮೆಂಟ್ ದರ ಇಳಿಕೆ ಸಂಭವ: ಸಿಎಮ್ಐಇ

ಮುಂಬೈ, ಫೆ.5: ಸಿಮೆಂಟ್ ದರಗಳು ಮಾರ್ಚ್‌ನಲ್ಲಿ ದುರ್ಬಲವಾಗಲಿದ್ದು, 2010-11ರಲ್ಲಿ ಇನ್ನೂಕುಸಿಯಲಿದೆ ಎಂದು ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ (ಸಿಎಮ್ಐಇ)ಯ ಅಧ್ಯಯನ ಹೇಳಿದೆ. ಅಧ್ಯಯನದ ಪ್ರಕಾರ ಮುಂದಿನ ಹಣಕಾಸು ವರ್ಷದಲ್ಲಿ ದೇಶದಲ್ಲಿ 38.4 ಮಿಲಿಯನ್ ಟನ್‌ಗಳ ಹೆಚ್ಚಿನ ಉತ್ಪಾದನೆಯಾಗಲಿದ್ದು, ಒಟ್ಟು ಉತ್ಪಾದನೆಯ ಶೇ 13 ರಷ್ಟು ಹೆಚ್ಚಾಗಲಿದೆ .

2009 ರ ಏಪ್ರಿಲ್ - ಸೆಪ್ಟೆಂಬರ್ ನಲ್ಲಿ ದೇಶದ ಸಿಮೆಂಟ್ ಉತ್ಪಾದನಾ ಸಾಮರ್ಥ್ಯ 21 ಮಿಲಿಯನ್ ಟನ್ ಗಳಷ್ಟು ಹೆಚ್ಚಾಗಿದ್ದು ಅಲ್ಪ ಬೆಲೆ ಕುಸಿತವಾಗಿದೆ .ದೇಶದ ಉತ್ತರ ಮತ್ತು ಪೂರ್ವ ಭಾಗದಲ್ಲಿ ಸಿಮೆಂಟ್ ದರ ಶೇ 3 ರಿಂದ 8 ಕುಸಿದಿದ್ದು , ದಕ್ಷಿಣ ಭಾಗದಲ್ಲಿ ಶೇ 15 ರಿಂದ 20 ದರ ಕುಸಿತವಾಗಿದೆ ಎಂದೂ ಅದು ಹೇಳಿದೆ .ನಿರ್ಮಾಣ ಚಟುವಟಿಕೆಗಳು ಹೆಚ್ಚಾಗುವ ಸಂಭವವಿದ್ದು, ಸಿಮೆಂಟ್ ಜನಸಾಮಾನ್ಯರ ಕೈಗೆಟುಕಲಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.