• search

ಅಂಬಾಡಹಳ್ಳಿಯಲ್ಲಿ ವಿಚಿತ್ರ ಮೇಕೆಮರಿ ಜನನ

By * ಪೂರ್ಣಚಂದ್ರ ಮಾಗಡಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Abnormal goat with eye in the place of mouth
    ಚನ್ನಪಟ್ಟಣ, ಜ. 21 : ಮಾನವ ವೈಜ್ಞಾನಿಕವಾಗಿ ಎಷ್ಟೇ ಪ್ರಗತಿ ಹೊಂದಿದರೂ ಪ್ರಕೃತಿಯ ಸೃಷ್ಟಿಯಲ್ಲಿ ಹತ್ತು ಹಲವು ವೈಚಿತ್ರ್ಯ ವಿಸ್ಮಯಗಳು ಘಟಿಸುತ್ತಲೇ ಇರುತ್ತವೆ. ಅದೇ ರೀತಿ ಮೇಕೆಯೊಂದು ಹಣೆಯ ಮೇಲೆ ಕಣ್ಣಿಲ್ಲದೇ ಬಾಯಿಯ ಒಸಡಿನ ಸ್ಥಳದಲ್ಲಿ ಕಣ್ಣಿರುವ ಮೇಕೆಮರಿಯೊಂದಕ್ಕೆ ಜನ್ಮ ನೀಡುವುದರ ಮೂಲಕ ವಿಸ್ಮಯದ ಕೇಂದ್ರ ಬಿಂದುವಾಗಿದೆ.

    ಆದರೆ, ಈ ವಿಚಿತ್ರ ಮೇಕೆ ಮರಿಯ ಜನನ ಜನತೆಯಲ್ಲಿ ಜಿಜ್ಞಾಸೆಗೆ ಕಾರಣವಾಗಿದೆ. ಕೆಲವರು ಇದು ದೈವಲೀಲೆ ಎಂದು ವ್ಯಾಖ್ಯಾನಿಸುತ್ತಿದ್ದರೆ, ಕೆಲವರು ಇದು ಗರ್ಭಾವಸ್ಥೆಯಲ್ಲಾದ ಸಮಸ್ಯೆಯಿಂದ ಹುಟ್ಟಿದ್ದು ಎಂದು ವೈಜ್ಞಾನಿಕ ಕಾರಣ ನೀಡುತ್ತಿದ್ದಾರೆ. ಆದರೂ ಜನ ಮರುಳೋ ಜಾತ್ರೆ ಮರಳೋ ಎಂಬಂತೆ ವಿಚಿತ್ರ ಕುರಿಮರಿಯ ವೀಕ್ಷಣೆಗೆ ಸುತ್ತಮುತ್ತಲಿನ ಜನತೆ ಆಗಮಿಸುತ್ತಿದ್ದಾರೆ.

    ರಾಮನಗರ ಜಿಲ್ಲೆ ಚನ್ನಪಟ್ಟಣದ ಅಂಬಾಡಹಳ್ಳಿಯ ಬಸವರಾಜುರವರ ಮನೆ ಮೇಕೆ ಬಾಯಿಯಲ್ಲಿ ಕಣ್ಣಿರುವ ಮರಿಗೆ ಜನ್ಮನೀಡಿ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ. ಎರಡನೇ ಬಾರಿ ಮರಿ ಹಾಕಿರುವ ಈ ಮೇಕೆಯ ಗರ್ಭದಲಿ ಜನಿಸಿರುವ 3 ಮರಿಗಳಲ್ಲಿ ಎರಡು ಮೇಕೆ ಮರಿಗಳು ಆರೋಗ್ಯವಾಗಿವೆ. ಒಂದು ಮೇಕೆ ಮರಿಗೆ ಹಣೆಯ ಕೆಳಗಡೆ ಇರಬೇಕಾದ ಕಣ್ಣು ಬಾಯಿಯ ಒಸಡಿನ ಸ್ಥಳದಲ್ಲಿದೆ.

    ಜಾನುವಾರುಗಳ ಸಂತತಿಯಲ್ಲಿ ಸಾಮಾನ್ಯವಾಗಿ ಇಂತಹ ಘಟನೆಗಳು ಸಂಭವಿಸುವುದಿಲ್ಲ ಆದರೆ ಅತ್ಯಪರೂಪ ಎನ್ನುವಂತೆ ಈ ರೀತಿಯ ಮರಿಗಳು ಜನನವಾಗುತ್ತವೆ. ಕಳೆದ ವರ್ಷ ಮಾಗಡಿ ತಾಲ್ಲೂಕಿನ ಮರಳಗೊಂಡಲ ಗ್ರಾಮದಲ್ಲೂ ಎರಡು ತಲೆಯ ಕುರಿ ಮರಿ ಜನನವಾಗಿತ್ತು.

    ಎಂಬ್ರಿಯೋಜೆನಿಸಿಸ್‌ನ ನರಮಂಡಲದಲ್ಲಿ ಸಮಸ್ಯೆ ಉದ್ಭವವಾದಾಗ ಈ ರೀತಿಯ ವಿಚಿತ್ರ ಮೇಕೆ ಮರಿಗಳು ಜನನವಾಗುತ್ತದೆ. ಈ ರೀತಿಯ ವಿಚಿತ್ರ ಮರಿಗಳು 10 ಲಕ್ಷದಲ್ಲಿ ಒಂದು ಜನಿಸುತ್ತವೆ, ಈ ರೀತಿಯ ಮರಿಯನ್ನ "ಮಾನ್ಸ್ಟ್‌ರ್ ಬೈಸೆಫೆಲಿ" ಎಂದು ಕರೆಯಲಾಗುತ್ತದೆ. ಮೇಕೆಗಳ ಗರ್ಭಾವಸ್ಥೆಯಲ್ಲಿ ಗರ್ಭಕೋಶದಲ್ಲಾಗುವ ಏರುಪೇರಿನಿಂದ ಈ ರೀತಿಯ ವಿಚಿತ್ರ ಮೇಕೆ ಮರಿಗಳ ಜನನವಾಗುತ್ತವೆ ಎಂದು ಪಶುವೈದ್ಯಕೀಯ ಇಲಾಖೆಯ ಜಂಟಿ ನಿರ್ದೇಶಕ ಡಾ.ಸಿದ್ದಯ್ಯನವರು ಹೇಳುತ್ತಾರೆ.

    ಆದರೆ ವೈಜ್ಞಾನಿಕ ಕಾರಣವನ್ನು ನಂಬದ ಕೆಲ ಗ್ರಾಮಸ್ಥರು ಕಲಿಗಾಲದ ಅಂತ್ಯದಲ್ಲಿ ಹೀಗೆಲ್ಲ ಸಂಭವಿಸುತ್ತದೆಂದು ಭಯಭಕ್ತಿಗಳಿಂದ ಮೇಕೆ ಮರಿಯನ್ನು ನೋಡುತ್ತಿದ್ದಾರೆ. ಗ್ರಾಮಸ್ಥರಲ್ಲಿ ಈರೀತಿಯ ಮೂಢನಂಬಿಕೆಗಳಿರುವುದು ಹೊಸತೇನೂ ಅಲ್ಲ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more