ಜೂನ್ 2 ರಿಂದ ಇಂಡಿಯಾ ಬಯೋಮೇಳ

ಬೆಂಗಳೂರು, ಜ. 20 : ಮಾಹಿತಿ ತಂತ್ರಜ್ಞಾನದೊಂದಿಗೆ ಜೈವಿಕ ತಂತ್ರಜ್ಞಾನಕ್ಕೂ ಹೆಸರುವಾಸಿಯಾದ ಬೆಂಗಳೂರು 10 ನೇ ಬಯೋ ಮೇಳಕ್ಕೆ ಸಜ್ಜಾಗಿದ್ದು, ಜೂನ್ 2 ರಿಂದ 4ರವರೆಗೆ ಬೆಂಗಳೂರು ಬಯೋ ಮೇಳ 2010 ಅಂತಾರಾಷ್ಟ್ರೀಯ ಮೇಳ ನಡೆಯಲಿದೆ.

ಮೇಳಕ್ಕೆ ಹೋಟೆಲ್ ಲಲಿತ್ ಅಶೋಕ್ ವೇದಿಕೆಯಾಗಲಿದೆ. ಸರಕಾರದ ಐಟಿ, ಬಿಟಿ, ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಸೇರಿದಂತೆ ವಿಷನ್ ಗ್ರೂಪ್ ಆನ್ ಬಯೋಟೆಕ್ನಾಲಜಿ ಮತ್ತು ಎಂಎಂ ಆಕ್ವಿವ್ ಸೈಟೆಕ್ ಕಮ್ಯುನಿಕೇಷನ್ ನ ಅಶ್ರಯದಲ್ಲಿ ಮೇಳ ನಡೆಯಲಿದೆ. ಜೈವಿಕ ತಂತ್ರಜ್ಞಾನ ಅಧ್ಯಯನ ಉದ್ಯೋಗ ಸೃಷ್ಟಿಗೆ ರಾಜ್ಯದ ನಾನಾ ಭಾಗದ 10 ಶೈಕ್ಷಣಿಕ ಸಂಸ್ಥೆಗಳಲ್ಲಿ ಬಿಟಿ ಶಾಲೆ ತೆರೆಯಲಾಗುವುದು.

ಈಗಾಗಲೇ ಜೈವಿಕ ತಂತ್ರಜ್ಞಾನ ವಿಷಯ ಬೋಧಿಸುತ್ತಿರುವ ಶೈಕ್ಷಣಿಕ ಸಂಸ್ಥೆಗಳಲ್ಲಿ ಶಾಲೆ ಆರಂಭಿಸುವುದು ನಮ್ಮ ಉದ್ದೇಶ. ಇವುಗಳಿಗೆ ತಲಾ 1 ಕೋಟಿ ರುಪಾಯಿ ಅನುದಾನ ಸರಕಾರ ಘೋಷಿಸಿದೆ. 10 ಶಾಲೆಗಳ ಪಟ್ಟಿ ಮತ್ತು ಯಾವ ಕೋರ್ಸ್ ಆರಂಭಿಸಲಾಗುತ್ತದೆ ಎಂಬುದನ್ನು ಮೇಳದಲ್ಲಿ ಪ್ರಕಟಿಸಲಾಗುವುದು ಎಂದು ಕಿರಣ್ ಮುಜಮ್ ದಾರ್ ಶಾ ಮಾಧ್ಯಮಗೋಷ್ಠಿಯಲ್ಲಿ ವಿವರಿಸಿದರು.