ಮೈಸೂರು: ಚಾಮುಂಡಿ ಬೆಟ್ಟ ಹತ್ತುವ ಸ್ಪರ್ಧೆ

ಮೈಸೂರು, ಜ. 7: ಭಾರತ ಸರ್ಕಾರದ ಯುವಜನ ವ್ಯವಹಾರ ಹಾಗೂ ಕ್ರೀಡಾ ಸಚಿವಾಲಯದ ಮೈಸೂರು ಜಿಲ್ಲಾ ನೆಹರು ಯುವ ಕೇಂದ್ರ ರಾಷ್ಟೀಯ ಯುವ ಸಪ್ತಾಹದ ಅಂಗವಾಗಿ ದಿನಾಂಕ 13.01.2010ರಂದು ಯುವಕ ಯುವತಿಯರಿಗಾಗಿ ಚಾಮುಂಡಿ ಬೆಟ್ಟ ಹತ್ತುವ (ಮೆಟ್ಟಿಲುಗಳ ಮೂಲಕ) ಸ್ಪರ್ಧೆಯನ್ನು ಏರ್ಪಡಿಸಿದೆ.

ಯುವಕ ಯುವತಿಯರಿಗೆ ಪ್ರತ್ಯೇಕ ಸ್ಪರ್ಧೆಯಿದ್ದು 15 ರಿಂದ 35 ವರ್ಷ ವಯಸ್ಸಿನ ಯುವಕ ಯುವತಿಯರು, ಯುವಮಂಡಳಿಗಳ ಸದಸ್ಯರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಬಹುದಾಗಿದೆ. ಸ್ಪಧೆಯಲ್ಲಿ ವಿಜೇತರಾದವರಿಗೆ (ಪ್ರಥಮ, ದ್ವಿತೀಯ ಹಾಗೂ ತೃತೀಯ) ಬಹುಮಾನ ಹಾಗೂ ಪ್ರಮಾಣ ಪತ್ರವನ್ನು ವಿತರಿಸಲಾಗುವುದು.

ಆಸಕ್ತ ಯುವಕ ಯುವತಿಯರು ದಿನಾಂಕ 13.01.2010ರಂದು ಬೆಳಿಗ್ಗೆ 7.30 ಗಂಟೆಗೆ ಸಂಘಟಿಕರನ್ನು ಚಾಮುಂಡಿಬೆಟ್ಟದ ತಪ್ಪಲಿನ ಪ್ರಾರಂಭಿಕ ಮೆಟ್ಟಿಲುಗಳ ಬಳಿ ವರದಿ ಮಾಡಿಕೊಳ್ಳಲು ಕೋರಲಾಗಿದೆ. ಹೆಚ್ಚಿನ ವಿವರಗಳಿಗೆ ಜಿಲ್ಲಾ ಯುವ ಸಮನ್ವಯಾಧಿಕಾರಿಗಳ ಕಾರ್ಯಾಲಯ, ನೆಹರು ಯುವ ಕೇಂದ್ರ, ರಾಜರಾಜೇಶ್ವರಿ ದೇವಸ್ತಾನದ ರಸ್ತೆ, ವಿಶ್ವೇಶ್ವರನಗರ, 3ನೇ ಹಂತ, ಮೈಸೂರು-570 008. ದೂರವಾಣಿ ಸಂಖ್ಯೆ 0821-2489858, 2489853 ಸಂಪರ್ಕಿಸಲು ಕೋರಲಾಗಿದೆ.