ನಕಲಿ ಆಟೋರಿಕ್ಷಾ ಮೀಟರ್ ಕಂಡ್ರೆ ತಿಳಿಸಿ

ಬೆಂಗಳೂರು, ಡಿ 1: ಕಾನೂನು ಮಾಪನಶಾಸ್ತ್ರ ಇಲಾಖೆಯು ದಿನಾಂಕ ನವೆಂಬರ್ 16 ರಿಂದ 25 ರವರೆಗೆ ಪ್ರಾದೇಶಿಕ ಸಾರಿಗೆ ಇಲಾಖೆಯ ಸಹಯೋಗದೊಂದಿಗೆ 10 ತಂಡಗಳನ್ನು ರಚಿಸಿ 10 ದಿನಗಳ ಕಾಲ ಬೆಂಗಳೂರು ಮಹಾನಗರದಲ್ಲಿ ಸಂಚರಿಸುವ ಆಟೋರಿಕ್ಷಾ ಮೀಟರ್‌ಗಳ ತಪಾಸಣೆಯನ್ನು ನಡೆಸಿ, ತಪ್ಪಿಸ್ಥರಿಗೆ ದಂಡ ವಿಧಿಸಿದ್ದಾರೆ.

ತಪಾಸಣೆ ಸಮಯದಲ್ಲಿ ಕಾನೂನು/ನಿಯಮಗಳ ಉಲ್ಲಂಘನೆ ಕಂಡುಬಂದಂತಹ ಮೀಟರ್‌ಗಳನ್ನು ಪತ್ತೆ ಹಚ್ಚಿ ತಪ್ಪಿತಸ್ಥ ಆಟೋ ಮಾಲೀಕರ/ಚಾಲಕರ ವಿರುದ್ಧ ಕಠಿಣ ಕ್ರಮ ಕೈಗೊಂಡು ಒಟ್ಟು 900 ಮೊಕದ್ದಮೆಗಳನ್ನು ಹೂಡಿದೆ. ಇವುಗಳ ಪೈಕಿ 617 ಮೊಕದ್ದಮೆಗಳನ್ನು ಅಭಿಸಂಧಾನದ ಮೂಲಕ ಇತ್ಯರ್ಥಗೊಳಿಸಿ 2,67,660 ರೂ ಗಳನ್ನು ದಂಡ ವಿಧಿಸಿ ಉಳಿದ ಮೊಕದ್ದಮೆಗಳನ್ನು ಕಾನೂನು ರೀತ್ಯ ಇತ್ಯರ್ಥಗೊಳಿಸಲು ಕ್ರಮ ಜರುಗಿಸಲಾಗುತ್ತಿದೆ.

ಇಲಾಖೆಯು ನಿಯಮ ಬಾಹಿರ ಆಟೋರಿಕ್ಷಾ ಮೀಟರ್‌ಗಳ ಮಾಲೀಕರ/ಚಾಲಕರ ವಿರುದ್ಧ ತಪಾಸಣೆಗಳನ್ನು ತೀವ್ರಗೊಳಿಸಿ, ತಪ್ಪಿತಸ್ಥರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಾಗುತ್ತಿದೆ. ಸಾರ್ವಜನಿಕರು ಇಂತಹ ಪ್ರಕರಣಗಳನ್ನು ಗಮನಿಸಿದ್ದಲ್ಲಿ ಕೂಡಲೇ ಕಾನೂನು ಮಾಪನಶಾಸ್ತ್ರ ಇಲಾಖೆಯ ಕಚೇರಿಗೆ ದೂರವಾಣಿ, ಇ-ಮೇಲ್ ಮುಖಾಂತರ ಈ ಕೆಳಕಂಡ ದೂರವಾಣಿ ಸಂಖ್ಯೆಗಳ/ಹತ್ತಿರದ ಪೊಲೀಸ್ ಠಾಣೆಗೆ ದೂರುಗಳನ್ನು ಸಹಕರಿಸಬೇಕಾಗಿ ವಿನಂತಿಸಿದೆ.

ದೂರವಾಣಿ ಸಂಖ್ಯೆ : 080-22207750, 080-22284917
ಇ-ಮೇಲ್ ವಿಳಾಸ : [email protected] or [email protected]

(ಏಜೆನ್ಸೀಸ್)