ಏಡ್ಸ್ ಜಾಹೀರಾತಿನಲ್ಲಿ ಹಿಟ್ಲರ್ ಚಿತ್ರ

ಬರ್ಲಿನ್, ಸೆ. 9 : ಮಾರಕ ಏಡ್ಸ್ ರೋಗ ಜಾಗೃತಿ ಜಾಹೀರಾತಿನಲ್ಲಿ ಜರ್ಮನಿ ಹಾಗೂ ಇರಾಕ್ ನ ಸರ್ವಾಧಿಕಾರಿಗಳಾದ ಅಡಾಲ್ಫ್ ಹಿಟ್ಲರ್ ಮತ್ತು ಸದ್ದಾಂ ಹುಸೇನ್ ಹಾಗೂ ರಷ್ಯಾದ ಜೋಸೆಫ್ ಸ್ಟಾಲಿನ್ ಅವರ ಚಿತ್ರಗಳನ್ನು ಬಳಸಿಕೊಂಡಿರುವುದಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗತೊಡಗಿದ್ದು, ಅಡಾಲ್ಫ್ ಹಿಟ್ಲರ್ ಅವರ ಚಿತ್ರವನ್ನು ಕೂಡಲೇ ತೆಗೆದು ಹಾಕುವಂತೆ ಅಲ್ಲಿನ ಜರ್ಮನಿಯಲ್ಲಿ ಏಡ್ಸ್ ಜಾಗೃತಿ ಸಂಸ್ಥೆಗಳು ಆಗ್ರಹಿಸಿವೆ.

ಎಡ್ಸ್ ಜಾಗೃತಿ ಜಾಹೀರಾತುಗಳಲ್ಲಿ ಈ ಮೂವರು ನಾಯಕರನ್ನು ಹೋಲುವ ಪುರುಷರು ಯುವತಿಯರೊಂದಿಗೆ ಲೈಂಗಿಕೆ ಕ್ರಿಯೆ ನಡೆಸುತ್ತಿರುವ ದೃಶ್ಯಗಳನ್ನು ಬಳಸಿಕೊಳ್ಳಲಾಗಿತ್ತು. ಅಲ್ಲದೇ ಈ ಚಿತ್ರಗಳ ಕೆಳಗೆ ಏಡ್ಸ್ ಇದು ಸಮೂಹ ನಾಶಕ ಮಾರಿ ಎಂದು ಬರೆಯಲಾಗಿದೆ. ಈ ಮೂವರು ನಾಯಕರ ಭಾವಚಿತ್ರಗಳಿರುವ ಜಾಹೀರಾತುಗಳನ್ನು ಇಂಗ್ಲಿಷ್, ಸ್ಪಾನಿಷ್ ಮತ್ತು ಜರ್ಮನ್ ಭಾಷೆಗಳಲ್ಲಿ ತಯಾರಿಸಲಾಗಿದೆ. ಇದು ಯೋರೋಪನಾದ್ಯಂತ ತೀವ್ರ ಅಪಸ್ವರ ಕೇಳಿ ಬಂದಿದೆ.

ಮುಖ್ಯವಾಗಿ ಜರ್ಮನಿಯ ಜೆವಿಷ್ ಗ್ರೂಪ್ ಮತ್ತು ಏಡ್ಸ್ ಜಾಗೃತಾ ಸಂಸ್ಥೆಗಳು ಜಾಹೀರಾತುನ್ನು ಬಲವಾಗಿ ಖಂಡಿಸಿವೆ. ಈ ಕೂಡಲೇ ಜಾಹೀರಾತನ್ನು ವಾಪಸ್ಸು ಪಡೆಯದಿದ್ದರೆ, ಉಗ್ರ ಹೋರಾಟ ನಡೆಸುವುದಾಗಿ ಏಡ್ಸ್ ಜಾಗೃತಿ ಸಂಸ್ಥೆಯೊಂದರ ಮುಖ್ಯಸ್ಥ ಜಾರ್ಗ್ ಲಿಟ್ವಿನ್ಸು ಎಚ್ಚರಿಕೆ ನೀಡಿದ್ದಾರೆ. ಇದು ಜರ್ಮನ್ನರಿಗೆ ಮಾಡುತ್ತಿರುವ ಅವಮಾನವಾಗಿದೆ. ಏಡ್ಸ್ ನಂತಹ ಮಾರಕ ರೋಗದೊಂದಿಗೆ ಅಡಾಲ್ಫ್ ಹಿಟ್ಲರ್ ನಂತಹ ವ್ಯಕ್ತಿಗಳನ್ನು ಹೋಲಿಸುವುದು ಸರಿಯಲ್ಲ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಜರ್ಮನ್ ಮೂಲದ ಡಾಸ್ ಕಮೀಟಿ ಏಡ್ಸ್ ನಿರ್ಮೂಲನಾ ಜಾಹೀರಾತು ಸಂಸ್ಥೆ ಈ ಜಾಹೀರಾತಗಳನ್ನು ಹೊರತಂದಿರುವುದು ವಿಶೇಷವಾಗಿದೆ.

(ಏಜನ್ಸೀಸ್)