ಜಗತ್ತಿನ ಅತ್ಯಂತ ಹಳೆ ಪ್ರತಿಮೆ ಇದೆನಾ?

ಜಗತ್ತಿನ ಅತ್ಯಂತ ಪ್ರಾಚೀನ ಪ್ರತಿಮೆ ಯಾವುದು? ಈ ಬಗ್ಗೆ ಮಾಹಿತಿ ಹುಡುಕಲು ಗೂಗಲ್ ಮಾಡುತ್ತಾ ಹೋದರೆ ನಾನಾ ವಾದ ಪ್ರತಿವಾದಗಳನ್ನು ಮಂಡಿಸುವ ಚಿತ್ರಸಮೇತ ವರದಿಗಳು ಎದುರಾಗುತ್ತವೆ. ಅನೇಕರು, ಪಂಡಿತರು, ಪುರಾತತ್ವ ತಜ್ಞರು ಹಾಗೂ ಬ್ಲಾಗಿಗಳು 'ಇದೇ ಪ್ರಪಂಚದ ಪ್ರಥಮ ಪ್ರತಿಮೆ' ಎಂದು ಚಿತ್ರ ಸಮೇತ, ಪುರಾವೆ ಸಮೇತ ವಾದ ಮಂಡಿಸುತ್ತಾರೆ. ಆದರೂ ಮನುಷ್ಯ ಸ್ಥಾಪಿಸಿದ ಮೊಟ್ಟಮೊದಲ ಪ್ರತಿಮೆ ಯಾರದಿರಬಹುದು? ಯಾವುದಿರಬಹುದೆಂಬ ಜಿಜ್ಞಾಸೆ ನಿರಂತರವಾಗಿ ನಡೆಯುತ್ತಲೇ ಇರುತ್ತದೆ.

ಆದರೆ, 'ಈ ಬಗ್ಗೆ ವಾದ ವಿವಾದಗಳು ಇನ್ನು ಸಾಕು, ಜಗತ್ತಿನ ಮೊಟ್ಟಮೊದಲ ಪ್ರತಿಮೆ ಖಡಾಖಂಡಿತವಾಗಿ ಇದೇ' ಎಂದು ಸಾಧಾರ ಸಾದರಪಡಿಸುವ ಒಂದು ರೂಪಕ ಲೇಖನವನ್ನು ದಿ ಫಸ್ಟ್ ಪೋಸ್ಟ್ ಪತ್ರಿಕೆ ಇಂದು (ಆಗಸ್ಟ್ 3, 2009)ಪ್ರಕಟಿಸಿದೆ.

ಲೇಖನವನ್ನು ಬರೆದ ಸೀನ್ ಥಾಮಸ್ ಪ್ರಕಾರ ಇದು ಪ್ರಸಿದ್ಧವಾದ ಪ್ರತಿಮೆಯೇನೋ ಹೌದು ಸ್ವಾಮಿ, ಆದರೆ ಯಾರೂ ಪ್ರೀತಿಸಿದ ಈ ಪ್ರತಿಮೆ ಒಂಟಿಯಾಗಿ ಇಲ್ಲಿ ಏಕೆ ಬಿಕೋ ಎನ್ನುತ್ತಾ ಯಾಕೆ ನಿಂತಿದೆ? ಎಂದು ಕೇಳುತ್ತಾರೆ. ಯಾವುದು ಈ ಪ್ರತಿಮೆ? ಎಲ್ಲಿದೆ? ಇದು ನಿಜಕ್ಕೂ ಎಲ್ಲ ನಾಗರಿಕತೆಗಳನ್ನು ಪ್ರತಿನಿಧಿಸುವ ಪ್ರಪ್ರಥಮ ಪ್ರತಿಮೆನಾ? ಈ ಪ್ರತಿಮೆಗೆ ಇಂಥ ಗತಿ ಯಾಕೆ ಬಂತು?...ಸೀನ್ ಥಾಮಸ್ ಅವರ ಲೇಖನದ ಪೂರ್ಣ ಪಾಠ ಓದಿ ಹಾಗೂ ಪ್ರತಿಮೆಯ ಚಿತ್ರವನ್ನು ತದೇಕಚಿತ್ತದಿಂದ ಗಮನಿಸಿ.