2010ಕ್ಕೆ ಐಟಿ ಉದ್ಯಮ ಯಥಾಸ್ಥಿತಿಗೆ : ಕ್ರಿಸ್

ಚೆನ್ನೈ, ಜು. 29 : ಜಾಗತಿಕ ಮಟ್ಟದಲ್ಲಿ ಉಂಟಾಗಿರುವ ಆರ್ಥಿಕ ಕುಸಿತ 2010ರ ಮಧ್ಯ ಭಾಗದಿಂದ ನಂತರ ಉತ್ತಮಗೊಳ್ಳಲಿದ್ದು, ಸಾಫ್ಟ್ ವೇರ್ ಮಾರುಕಟ್ಟೆ ಯಥಾಸ್ಥಿತಿ ಬರಲಿದೆ ಎಂದು ಇನ್ಫೋಸಿಸ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಕ್ರಿಸ್ ಗೋಪಾಲಕೃಷ್ಣ ಅಭಿಪ್ರಾಯಪಟ್ಟರು.

ಚೆನ್ನೈನಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಆರ್ಥಿಕ ಕುಸಿತ ನಿಧಾನವಾಗಿ ಸುಧಾರಿಸಿಕೊಳ್ಳತೊಡಗಿದ್ದು ಮುಂದಿನ ವರ್ಷ ಈ ಹೊತ್ತಿಗೆ ಎಲ್ಲವೂ ಸರಳವಾಗಲಿದೆ ಎಂದು ಅಶಾಭಾವ ವ್ಯಕ್ತಪಡಿಸಿದರು. ಆರ್ಥಿಕ ಕುಸಿತದ ನಡುವೆಯೋ ಇನ್ಫೋಸಿಸ್ ಚೀನಾ, ದಕ್ಷಿಣ ಆಫ್ರಿಕಾ ಮತ್ತು ಮಧ್ಯಪ್ರಾಚ್ಯ ದೇಶಗಳಲ್ಲಿ ನೂತನ ಮಾರುಕಟ್ಟೆ ಕಂಡುಕೊಂಡಿದೆ. ನೂತನ ಯೋಜನೆಗಳು ಕಂಪನಿಗೆ ದೊರೆತಿವೆ. ಇನ್ಫೋಸಿಸ್ ಕಂಪನಿ ಸಾಫ್ಟ್ ವೇರ್ ಸೇರಿದಂತೆ ಆರೋಗ್ಯ, ಸರಕಾರಿ ಮತ್ತು ಅರೇಸರಕಾರಿಗಳ ಯೋಜನೆಗಳನ್ನು ಕಂಪನಿ ಕೈಗೆತ್ತಿಕೊಳ್ಳಲಿದೆ ಎಂದರು.

ದೇಶದ ಆರ್ಥಿಕ ಪ್ರಗತಿ ಶೇ.8.9 ರಿಂದ 5.7 ಕ್ಕೆ ಕುಸಿದಿದೆ. ಆದರೆ ಮುಂದಿನ ದಿನಗಳಲ್ಲಿ ಆರ್ಥಿಕ ಪ್ರಗತಿ ಹೆಚ್ಚುವ ಎಲ್ಲ ವಾತಾವರಣ ನಿರ್ಮಾಣವಾಗುತ್ತಿದ್ದು, ಭಯಪಡುವ ಅಗತ್ಯವಿಲ್ಲ ಎಂದು ಕ್ರಿಸ್ ಗೋಪಾಲಕೃಷ್ಣ ಹೇಳಿದರು.

(ದಟ್ಸ್ ಕನ್ನಡ ವಾರ್ತೆ)