ಬೆಂಗಳೂರಿನಲ್ಲಿ ಮತ್ತೆ ಮೂವರಿಗೆ ಹಂದಿಜ್ವರ

ಬೆಂಗಳೂರು, ಜೂ. 18 : ಕಳೆದ ಕೆಲ ದಿನಗಳ ಹಿಂದೆ ಅಮೆರಿಕದಿಂದ ಬೆಂಗಳೂರಿಗೆ ಬಂದಿದ್ ಇಬ್ಬರಲ್ಲಿ ಕಾಣಿಸಿಕೊಂಡಿದ್ದ ಹಂದಿಜ್ವರ, ಇದೀಗ ಮತ್ತೆ ಮೂವರಿಗೆ ಎಚ್ 1 ಎನ್ 1 ವೈರಾಣು ಇರುವುದು ಪತ್ತೆಯಾಗಿದೆ. ಅಮೆರಿಕದಿಂದ ಬಂದ 12 ವರ್ಷದ ಹಾಗೂ ಬ್ಯಾಂಕಾಕ್ ನಿಂದ ಬಂದಿರುವ ಇಬ್ಬರಿಗೆ ಈ ವೈರಸ್ ಇರುವುದು ಪತ್ತೆ ಹಚ್ಚಲಾಗಿದೆ.

ಎಚ್ 1ಎನ್ 2 ವೈರಸ್ ಇರುವುದು ಪತ್ತೆಯಾದ ತಕ್ಷಣ ರೋಗಿಗಳನ್ನು ನಗರದ ರಾಜೀವ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೂರು ಜನ ರೋಗಿಗಳ ಪರೀಕ್ಷೆ ಮುಂದುವರೆದಿದೆ. ರಕ್ತ ಪರೀಕ್ಷೆ ನಡೆಸಲಾಗಿದ್ದು, ವೈರಾಣು ಇರುವುದು ದೃಢಪಟ್ಟಿದೆ. ಚಿಕಿತ್ಸೆ ಮುಂದುವರೆದಿದೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ. ಕಳೆದ ಈ ಮೂರು ರೋಗಿಗಳು ಅಮೆರಿಕ ಮತ್ತು ಬ್ಯಾಂಕಾಕ್ ನಿಂದ ಬೆಂಗಳೂರಿಗೆ ಆಗಮಿಸಿದ್ದರು. ಅಮೆರಿಕದ ನ್ಯೂಜೆರ್ಸಿಯಿಂದ ಆಗಮಿಸಿದ್ದ ತಾಯಿ ಹಾಗೂ ಮಗಳಿಗೆ ಹಂದಿಜ್ವರ ಇರುವುದು ಪತ್ತೆಯಾಗಿತ್ತು. ಒಟ್ಟು ಬೆಂಗಳೂರಿನಲ್ಲಿ 5 ಮಂದಿಗೆ ಹಂದಿಜ್ವರ ಇರುವುದು ದೃಢಪಟ್ಟಿಡೆ.

(ದಟ್ಸ್ ಕನ್ನಡ ವಾರ್ತೆ)