ವೆಬ್ ಸೈಟ್ ನಲ್ಲಿ ಹೈಕೋರ್ಟ್ ತೀರ್ಪಿನ ಪ್ರತಿ

ಬೆಂಗಳೂರು, ಏ. 17 : ಹೈಕೋರ್ಟ್ ನಿಂದ ಹೊರಬೀಳುವ ಅಂತಿಮ ತೀರ್ಪುಗಳ ಪ್ರತಿಯನ್ನು ಇನ್ನು ಮುಂದೆ ವೆಬ್ ಸೈಟ್ ಮೂಲಕ ಪಡೆಯುವ ವ್ಯವಸ್ಥೆಗೆ ಶುಕ್ರವಾರ (ಏ.17) ಚಾಲನೆ ದೊರೆಯಲಿದೆ.

ನ್ಯಾಯಮೂರ್ತಿಗಳು ನೀಡುವ ತೀರ್ಪು ಬೆರಳಚ್ಚುಗೊಂಡು, ಅವರಿಂದ ಅಂತಿಮವಾಗಿ ಸಹಿ ಮಾಡಿ ಬಿಡುಗಡೆಗೆ ಸಿದ್ಧಗೊಂಡ ತಕ್ಷಣ ಅವನ್ನು ವೆಬ್ ಸೈಟ್ ನಲ್ಲಿಯೇ ಪಡೆಯಬಹುದಾಗಿದೆ. ಈ ವ್ಯವಸ್ಥೆಯಿಂದ, ಕೋರ್ಟ್ ಪಡೆಯಬಹುದಾಗಿದೆ. ಕೋರ್ಟ್ ಹೊರಬಿದ್ದ ತೀರ್ಪು, ಬಿಡುಗಡೆ ಆಗಿದೆಯೇ ಇಲ್ಲವೇ ಎಂಬ ಬಗ್ಗೆ ನ್ಯಾಯಾಲಯದವರೆಗೆ ಕಕ್ಷಿದಾರರು ಹಾಗೂ ವಕೀಲರು ಬರುವ ತೊಂದರೆಯನ್ನು ತಪ್ಪಿಸಿದಂತಾಗಿದೆ.

ಹೈಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಪಿ ಡಿ ದಿನಕರನ್ ಶುಕ್ರವಾರ ಈ ವೆಬ್ ಸೈಟ್ ಗೆ ಚಾಲನೆ ನೀಡಲಿದ್ದಾರೆ. ವೆಬ್ ಸೈಟ್ ವಿಳಾಸ www.karnatakajudiciary.kar.nic.in ಈ ವೆಬ್ ಸೈಟ್ ನಲ್ಲಿ ನೋಡಬಹುದು ಎಂದು ಪ್ರಕಟಣೆ ತಿಳಿಸಿದೆ.

(ದಟ್ಸ್ ಕನ್ನಡ ವಾರ್ತೆ)

ಪ್ರಜಾಪ್ರಭುತ್ವಕ್ಕೆ ಅಪಾಯವಿದೆ, ಸಂತೋಷ ಹೆಗ್ಡೆ