ತಂದೆತಾಯಿ ಓಟಾಕಿದರೆ ಮಕ್ಕಳಿಗೆ ಅಂಕಗಳು

ಪುಣೆ, ಏ.10: ಮತ ಚಲಾಯಿಸುವುದು ಪ್ರಜೆಗಳ ಹಕ್ಕು ಎಂದು ಎಷ್ಟು ಮಂದಿ ಪ್ರಚಾರ ಮಾಡಿದರೂ ವಿದ್ಯಾವಂತರನ್ನು ದಾರಿಗೆ ತರುವುದು ಸ್ವಲ್ಪ ಕಷ್ಟದ ಕೆಲಸ. ಈ ಸಮಸ್ಯೆಗೆ ಸುಲಭ ಮಾರ್ಗವೊಂದನ್ನು ಪುಣೆಯ ಶಾಲೆಯೊಂದು ಕಂಡುಕೊಂಡಿದೆ.

ಮತದಾನದ ಮಹತ್ವವನ್ನು ಬರೀ ಪಾಠಗಳಿಗಷ್ಟೇ ಸೀಮಿತಗೊಳಿಸದೆ ಅದನ್ನು ಆಚರಣೆಗೆ ತರಲು ಯೋಚಿಸಿತು. ತಂದೆ ತಾಯಿಯರೊಂದಿಗೆ ಮತದಾನ ಮಾಡಿಸುವ ವಿದ್ಯಾರ್ಥಿಗಳಿಗಳಿಗೆ 'ಪೌರನೀತಿ' ವಿಷಯದ ಇಂಟರ್ನಲ್ಸ್ ನಲ್ಲಿ ಎರಡು ಅಂಕಗಳನ್ನು ಹೆಚ್ಚುವರಿಯಾಗಿ ನೀಡುವುದಾಗಿ ಪ್ರಕಟಿಸಿದೆ. ಇಂಟರ್ನಲ್ ಅಂಕಗಳು ಸಿಬಿಎಸ್ ಇ ವಿದ್ಯಾರ್ಥಿಗಳಿಗೆ ಬಹಳ ಮುಖ್ಯ.. ಇದನ್ನು ಗಮನದಲ್ಲಿಟ್ಟುಕೊಂಡ ಶಾಲಾ ಆಡಳಿತ ಈ ಹೊಸ ಪದ್ಧತಿಗೆ ನಾಂದಿಯಾಡಿದೆ.

ಈ ಹೊಸ ಆಲೋಚನೆಯ ವಿದ್ಯಾರ್ಥಿಗಳ ಬಿತ್ತಿದ ಘನತೆ ಪುಣೆಯ ಗುರುಕುಲ್ ಶಾಲೆಗೆ ಸೇರುತ್ತದೆ . ಮತ ಚಲಾಯಿಸುವುದು ಎಲ್ಲರ ಹಕ್ಕು ಎಂದು ಮಕ್ಕಳಿಗೆ ಶಿಕ್ಷಕರು ಪಾಠ ಮಾಡಿದರು. ಇದರ ಜತೆಗೆ ತಂದೆತಾಯಂದಿರು ಮತ ಹಾಕುವಂತೆ ಮಾಡಿ ಎಂದು ಪ್ರೋತ್ಸಾಹಿಸಲಾಯಿತು. ಅಂದಹಾಗೆ ಮತ ಚಲಾಯಿಸಲಾಗಿದೆ ಎಂದು ಬರೀ ಬಾಯಿ ಮಾತಿನಲ್ಲಿ ಹೇಳಿದರೆ ಸಾಲದು. ಹಾಗಂತ ತಂದೆತಾಯಿ ಬರೆದುಕೊಟ್ಟರೇನೇ ಅಂಕಪಟ್ಟಿಗೆ ಅಂಕಗಳು ಜಮೆಯಾಗುತ್ತವೆ. ಈ ಹೊಸ ಬೆಳವಣಿಗೆ ವಿದ್ಯಾರ್ಥಿಗಳ ನೂತನ ಉತ್ಸಾಹ ಉಂಟುಮಾಡಿದೆ.

(ಏಜೆನ್ಸೀಸ್)

ಲೋಕಸಭೆ ಚುನಾವಣೆ2009 ತಾಜಾ ಸುದ್ದಿಗಳು