ಪಾಕ್ ಗುಡ್ಡಗಾಡು ಪ್ರದೇಶದಲ್ಲಿ ಲಾಡೆನ್, ಅಮೆರಿಕ

ವಾಷಿಂಗ್ ಟನ್, ಏ. 8 : ಜಾಗತಿಕ ಮಟ್ಟದ ಭಯೋತ್ಪಾದಕ ಒಸಮಾ ಬಿನ್ ಲಾಡೆನ್ ಪಾಕಿಸ್ತಾನದ ಪಶ್ಚಿಮ ಭಾಗದ ಅಪಘಾನಿಸ್ತಾನ ಬಳಿ ಇರುವ ಗುಡ್ಡಗಾಡು ಪ್ರದೇಶದಲ್ಲಿ ಅವಿತುಕೊಂಡಿದ್ದಾನೆ. ಭಯೋತ್ಪಾದನೆ ಮಟ್ಟಹಾಕುವವರೆಗೂ ಭಯೋತ್ಪಾದಕರ ವಿರುದ್ಧ ಅಮೆರಿಕದ ದಾಳಿ ಮುಂದುವರಿಯಲಿದೆ ಎಂದು ಅಮೆರಿಕದ ಉಪಾಧ್ಯಕ್ಷ ಜೊಯ್ ಬೈಡನ್ ಹೇಳಿದ್ದಾರೆ.

ಜಾಗತಿಕ ಪೀಡುಗಾಗಿರುವ ಭಯೋತ್ಪಾದನೆ ವಿರುದ್ಧ ಅಮೆರಿಕ ಸಮರ ಮುಂದುವರಿಯಲಿದೆ. ಜಗತ್ತಿಗೆ ಸವಾಲಾಗಿ ಬೆಳೆದಿರುವ ಅಲ್ ಖೈದಾ ಸಂಘಟನೆ ಹಾಗೂ ಅದರ ಪುರಮೊಚ್ಚ ನಾಯಕ ಒಸಮಾ ಬಿನ್ ಲಾಡೆನ್ ನನ್ನು ಮಟ್ಟ ಹಾಕುವುವವರಿಗೂ ವಿರಮಿಸುವುದು ಸಾಧ್ಯವಿಲ್ಲ ಎಂದು ಬೈಡೆನ್ ಸ್ಪಷ್ಟಪಡಿಸಿದರು. ಗುಡ್ಡಗಾಡು ಪ್ರದೇಶದಲ್ಲಿ ಗಟ್ಟಿಯಾಗಿ ನೆಲಯೂರಿರುವ ಅಲ್ ಖೈದಾ ಸಂಘಟನೆಯ ನಾಶ ಮಾಡುವುದು ಏಕೈಕ ಉದ್ದೇಶ. ಈ ಹಿನ್ನೆಲೆಯಲ್ಲಿ ಗ್ಲೂಬಲ್ ಟೆರರ್ ವಾರ್ ಆರಂಭಿಸಲಾಗಿದೆ. ಅಲ್ ಖೈದಾ ಸಂಘಟನೆಯನ್ನು ಇನ್ನೂ ಹೆಚ್ಚು ಬೆಳಯಲು ಬಿಡುವುದಿಲ್ಲ ಎಂದು ಅವರು ಹೇಳಿದರು.

(ದಟ್ಸ್ ಕನ್ನಡ ವಾರ್ತೆ)