ರಾಜ್ಯದಲ್ಲಿ ಫಾರ್ವಡ್ ಬ್ಲಾಕ್ ನ ಒಬ್ಬ ಅಭ್ಯರ್ಥಿ ಕಣಕ್ಕೆ

ನವದೆಹಲಿ, ಮಾ. 23: ಅಖಿಲ ಭಾರತ ಫಾರ್ವಡ್ ಬ್ಲಾಕ್ (AIFB) ಈ ಬಾರಿ ಲೋಕಸಭಾ ಚುನಾವಣೆಯಲ್ಲಿ 23 ಸ್ಥಾನಗಳಿಗೆ ಸ್ಪರ್ಧಿಸಲಿದ್ದು, ಹತ್ತು ರಾಜ್ಯಗಳಲ್ಲಿ ತನ್ನ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಿದೆ.

ಪಶ್ಚಿಮ ಬಂಗಾಳದಲ್ಲಿ ಪುರೂಲಿಯಾದಲ್ಲಿ ನರಹರಿ ಮಹತೊ ಕಣಕ್ಕಿಳಿಯಲಿದ್ದು, ಹಿತೇನ್ ಬರ್ಮನ್ ಹಾಗೂ ಸುಬ್ರತಾ ಬೋಸ್ ಈ ಬಾರಿ ಟಿಕೆಟ್ ವಂಚಿತರಾಗಿದ್ದಾರೆ. ಸದ್ಯ ಎಡಪಕ್ಷಗಳು ಅಧಿಕಾರಿದಲ್ಲಿರುವ ಪಶ್ಚಿಮ ಬಂಗಾಳ ಸರ್ಕಾರಕ್ಕೆ ಫಾರ್ವಡ್ ಬ್ಲಾಕ್ ಕೂಡಬೆಂಬಲವಾಗಿ ನಿಂತಿದೆ.

ಬಿಹಾರದಲ್ಲಿ 4, ಅಸ್ಸಾಂ, ಜಮ್ಮು ಮತ್ತು ಕಾಶ್ಮೀರ, ಮಧ್ಯಪ್ರದೇಶದಲ್ಲಿ 3, ದೆಹಲಿ ಮತ್ತು ಜಾರ್ಖಂಡ್ ನಲ್ಲಿ 2 , ರಾಜಸ್ಥಾನ, ಕರ್ನಾಟಕ ಮತ್ತು ಉತ್ತರಪ್ರದೇಶದಲ್ಲಿ ತಲಾ 1ಸ್ಥಾನಕ್ಕಾಗಿ ಸ್ಪರ್ಧಿಸಲಿದೆ ಎಂದು ಪಕ್ಷದ ವಕ್ತಾರರು ತಿಳಿಸಿದ್ದಾರೆ.

(ದಟ್ಸ್ ಕನ್ನಡವಾರ್ತೆ)