ಷರೀಫ್ ಗೃಹ ಬಂಧನ, ಪಾಕ್ ನಲ್ಲಿ ಅರಾಜಕತೆ

ಲಾಹೋರ್, ಮಾ. 15 : ಪಾಕಿಸ್ತಾನದಲ್ಲಿ ರಾಜಕೀಯ ಅಸ್ಥಿರತೆ ಮುಂದುವರೆದಿದ್ದು, ಲಾಹೋರ್ ನಲ್ಲಿ ಇಂದು ಬೃಹತ್ ಸಮಾವೇಶ ನಡೆಸಲು ಉದ್ದೇಶಿಸಲಾಗಿರುವ ಮಾಜಿ ಪ್ರಧಾನಮಂತ್ರಿ ನವಾಜ್ ಷರೀಫ್ ಅವರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ಗೃಹ ಬಂಧನದಲ್ಲಿರಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ರಕ್ಷಣಾ ಇಲಾಖೆ ಹಿರಿಯ ಅಧಿಕಾರಿ ನಾಸೀರ್ ಅಹ್ಮದ್ ಬುಟ್ಟಾ, ಸರ್ಕಾರದ ವೈಪಲ್ಯ ಖಂಡಿಸಿ ರಾವಲ್ ಪಿಂಡಿಯಲ್ಲಿ ಇಂದು ಬೃಹತ್ ಪ್ರತಿಭಟನಾ ಸಮಾವೇಶ ಹಮ್ಮಿಕೊಂಡಿರುವ ಷರೀಫ್ ಹಾಗೂ ಅವರ ಸಹೋದರ ಶಾಬಾಜ್ ಷರೀಫ್ ಅವರನ್ನು ಬಂಧಿಸುವಂತೆ ಆದೇಶ ನೀಡಲಾಗಿದೆ. ಸದ್ಯ ಅವರನ್ನು ಲಾಹೋರ್ ಸ್ಥಳವೊಂದರಲ್ಲಿ ಗೃಹ ಬಂಧನದಲ್ಲಿರಿಸಲಾಗಿದ್ದು, ವ್ಯಾಪಕ ಭದ್ರತೆಯನ್ನು ನಿಯೋಜಿಸಲಾಗಿದೆ.

ಇತ್ತ ಷರೀಫ್ ಬಂಧನಕ್ಕೆ ಪಿಎಂಎಲ್ (ಎನ್) ಕಾರ್ಯಕರ್ತರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಪ್ರತಿಭಟನೆ ಇನ್ನಷ್ಟು ತೀವ್ರಗೊಂಡಿದೆ. ಪಾಕ್ ಸರ್ಕಾರ ಷರೀಫ್ ಬಂಧಿಸಿದ್ದರಿಂದ ಭಾರಿ ಬೆಲೆ ತೆರೆವು ಸಾಧ್ಯತೆ ಇದೆ. ದೇಶದಲ್ಲಿ ಉಂಟಾಗಿರುವ ಅಶಾಂತಿ, ಅರಾಜಕತೆಯಿಂದ ಯಾವಾಗ ಬೇಕಾದರೂ ಸೇನಾಪಡೆ ಅಧಿಕಾರವನ್ನು ತನ್ನ ವಶಕ್ಕೆ ತೆಗೆದುಕೊಳ್ಳಬಹುದು.

(ದಟ್ಸ್ ಕನ್ನಡ ವಾರ್ತೆ)