ರಾಜ್ಯದಲ್ಲಿ ಶೇ. 85 ಶಿಕ್ಷಕರು ಕುಡುಕರು

ಬೆಂಗಳೂರು, ಮಾ. 10 : ರಾಜ್ಯದಲ್ಲಿ ಶೇ. 85 ರಷ್ಟು ಶಿಕ್ಷಕರು ಮದ್ಯ, ಮಾದಕ ವ್ಯಸನಿಗಳಾಗಿರುವ ಕುರಿತು ಕೇಂದ್ರ ಸರ್ಕಾರ ವರದಿ ನೀಡಿದ್ದು, ಈ ಬಗ್ಗೆ ಸೂಕ್ತ ಕ್ರಮಕೈಗೊಳ್ಳಲಾಗುವುದು ಉನ್ನತ ಶಿಕ್ಷಣ ಸಚಿವ ಅರವಿಂದ ಲಿಂಬಾವಳಿ ಎಚ್ಚರಿಕೆ ನೀಡಿದರು.

ಕರ್ನಾಟಕ ವಿಶ್ವವಿದ್ಯಾಲಯದ ಪತ್ರಿಕೋದ್ಯಮದ ವಿದ್ಯಾರ್ಥಿಗಳು ಕೂಟ, ಬೆಂಗಳೂರು ವಿವಿ ವಿದ್ಯುನ್ಮಾನ ಮಾಧ್ಯಮ ವಿಭಾಗಗಳು ನಗರದಲ್ಲಿ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು. ಕುಡಿಯುವುದು ಸರಿಯಲ್ಲ ಎಂದು ಹೇಳಬೇಕಾದವರೇ ಮದ್ಯವ್ಯಸನಿಗಳಾದರೆ ಹೇಗೆ ? ವಿದ್ಯಾರ್ಥಿಗಳಿಗೆ ನೈತಿಕ ಪಾಠ ಹೇಗೆ ಸಾಧ್ಯ ? ವಿದ್ಯಾರ್ಥಿಗಳಿಗೆ ನೈತಿಕತೆ ಪಾಠ ಹೇಳಬೇಕಾದರೆ ಶಿಕ್ಷಕರು ಚಾರಿತ್ರ್ಯ ಶುದ್ಧರಾಗಿರಬೇಕು ಎಂದರು.

ಶಾಲೆ-ಕಾಲೇಜುಗಳಿಂದ 100 ಮೀ ಒಳಗಿರುವ ಬಾರ್ ಮತ್ತು ಪಬ್ ಗಳನ್ನು ವಿಷೇಧಿಸಲು ಕ್ರಮ ಕೈಗೊಳ್ಳಲಾಗುವುದು. ಈ ಪ್ರಕ್ರಿಯೆ ಶೀಘ್ರದಲ್ಲೇ ಜಾರಿಗೆ ಬರಲಿದೆ ಎಂದು ಲಿಂಬಾವಳಿ ಹೇಳಿದರು. ಪಬ್ ಮೇಲೆ ಶ್ರೀರಾಮಸೇನೆ ದಾಳಿಯನ್ನು ಸಚಿವರು ಬಲವಾಗಿ ಖಂಡಿಸಿದರು.

(ದಟ್ಸ್ ಕನ್ನಡ ವಾರ್ತೆ)