ಬಿಎಸ್ ವೈ ಹೆಲಿಕಾಫ್ಟರ್ ಪ್ರಯಾಣಕ್ಕೆ ರು. 2.5 ಕೋಟಿ !!

ಬೆಂಗಳೂರು ಫೆ 2: ಅಧಿಕಾರಕ್ಕೆ ಬಂದ ಕೇವಲ 8 ತಿಂಗಳಲ್ಲೇ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರಹೆಲಿಕಾಫ್ಟರ್ ಪ್ರಯಾಣಕ್ಕಾಗಿ ಮಾಡಿರುವ ಖರ್ಚು ಎಷ್ಟು ಗೊತ್ತೇ? ಕೇವಲ ರು. 2,53,39,252 !!. ಹಿಂದಿನ ಮುಖ್ಯಮಂತ್ರಿಗಳಾದ ಧರ್ಮಸಿಂಗ್ ಮತ್ತು ಕುಮಾರಸ್ವಾಮಿ ತಮ್ಮ ಅಧಿಕಾರದ ಅವಧಿಯಲ್ಲಿ ಹೆಲಿಕಾಫ್ಟರ್ ಪ್ರಯಾಣಕ್ಕಾಗಿ ಇದರ ಅರ್ಧದಷ್ಟನ್ನು ಮಾತ್ರ ವೆಚ್ಚ ಮಾಡಿದ್ದರು.

ಮೇ 30 ರಿಂದ ಡಿಸೆಂಬರ್ 31 ರ ವರೆಗೆ ಮುಖ್ಯಮಂತ್ರಿಗಳು ಗಂಟೆ ಬಾಡಿಗೆ ಆಧಾರದ ಮೇಲೆ ಖಾಸಗಿ ಹೆಲಿಕಾಫ್ಟರ್ ಬಳಸುತ್ತಿದ್ದು ಸುಮಾರು ತಿಂಗಳಿಗೆ ರು.32 ಲಕ್ಷ ಬಾಡಿಗೆಯನ್ನು ಸರಕಾರ ಭರಿಸುತ್ತಿದೆ. ಅದೇ ಧರ್ಮಸಿಂಗ್ ಮತ್ತು ಕುಮಾರಸ್ವಾಮಿ ಅವರು ತಿಂಗಳಿಗೆ ಸುಮಾರು ರು.17 ಲಕ್ಷ ವ್ಯಯಿಸುತ್ತಿದ್ದರು.

ಜುಲೈ ತಿಂಗಳಿನಲ್ಲಿ ಸರಕಾರವೇ ಹೆಲಿಕಾಫ್ಟರ್ ಖರೀದಿಸುವ ಬಗ್ಗೆ ಸಮಾಲೋಚನೆ ನಡೆಸಿತ್ತಾದರೂ, ಈ ಬಗ್ಗೆ ಇನ್ನೂ ನಿರ್ಧಾರ ಹೊರ ಬಿದ್ದಿಲ್ಲ. ಆಂಧ್ರಪ್ರದೇಶ, ಚತ್ತೀಸಗಡ್, ಜಮ್ಮು ಕಾಶ್ಮೀರ ಮತ್ತು ರಾಜಸ್ಥಾನ ಸರಕಾರ ತನ್ನದೇ ಹೆಲಿಕಾಪ್ಟರ್ ಹೊಂದಿದೆ.

(ದಟ್ಸ್ ಕನ್ನಡ ವಾರ್ತೆ)
ಬಿಎಸ್ ವೈ ಪತ್ನಿ ಸಾವಿನ ತನಿಖೆಗೆ ಕೋರ್ಟ್ ಸೂಚನೆ
ಫೆಬ್ರವರಿ ಅಂತ್ಯಕ್ಕೆ ರಾಜ್ಯ ಬಜೆಟ್ : ಯಡಿಯೂರಪ್ಪ