ಬೆಂಗಳೂರು ಸಾರಿಗೆ ಸಂಚಾರದ ಅಧ್ಯಯನ

ಬೆಂಗಳೂರು, ಜ. 28 : ಬೆಂಗಳೂರು ಮಹಾನಗರ ಪ್ರದೇಶಾಭಿವೃದ್ಧಿ ಪ್ರಾಧಿಕಾರವು ವಿಲ್ಟರ್ ಸ್ಮಿತ್ ಅಸೋಸಿಯೆಟ್ಸ್ (Wilbur Smith Associates) ಎಂಬ ಖಾಸಗಿ ಸಂಸ್ಥೆಯನ್ನು ಬೆಂಗಳೂರು ಮಹಾನಗರದ ಸಾರಿಗೆ ಸಂಚಾರದ ಬಗ್ಗೆ ಸಮಗ್ರ ಅಧ್ಯಯನವನ್ನು ನಡೆಸಲು ನೇಮಿಸಿದೆ.

ಈ ಅಧ್ಯಯನದ ಸಲುವಾಗಿ ವಿಲ್ಟರ್ ಸ್ಮಿತ್ ಅಸೋಸಿಯೇಟ್ಸ್ (Wilbur Smith Associates) ಹಾಗೂ ಟ್ರಾನ್ಸ್‌ಪೋರ್ಟ್ ಟ್ರೈನಿಂಗ್ ಇನ್ಸ್ಟಿಟ್ಯೂಟ್ ಅಂಡ್ ಕನ್ನಲ್ಟೆನ್ಸಿ (ITIC) ಪ್ರತಿನಿಧಿಗಳು ಬೆಂಗಳೂರು ಮಹಾನಗರ ಮತ್ತು ಸುತ್ತಲಿನ ನಗರಗಳ ವ್ಯಾಪ್ತಿಯಲ್ಲಿ ಬರುವ ಮನೆಗಳಿಗೆ ಅಭಿಪ್ರಾಯ ಸಂಗ್ರಹಣ ಗಣತಿಗಾಗಿ ಭೇಟಿ ಕೊಡಲಿದ್ದಾರೆ. ಈ ಸಂದರ್ಭದಲ್ಲಿ ಪ್ರತಿನಿಧಿಗಳು ಗೃಹವಾಸಿಗಳಿಂದ ಕೆಲವೊಂದು ಮಾಹಿತಿಗಳನ್ನು ಪಡೆಯಲಿಚ್ಫಿಸಿದ್ದಾರೆ.

ಸಾರ್ವಜನಿಕರು ಈ ಸಂದರ್ಭದಲ್ಲಿ ಕೊಡುವ ಮಾಹಿತಿ, ಸಲಹೆಗಳು ಅತ್ಯಮೂಲ್ಯವಾದವು. ನಿಮ್ಮ ಉತ್ತರಗಳು ಬೆಂಗಳೂರು ಮಹಾನಗರದ ಸಾರಿಗೆ ಸಂಚಾರ ವ್ಯವಸ್ಥೆಯನ್ನು ಉತ್ತಮಪಡಿಸಲು ನೆರವಾಗುತ್ತವೆ. ಈ ಸಂದರ್ಭದಲ್ಲಿ ತಮ್ಮ ಮುಕ್ತ ಅನಿಸಿಕೆಗಳನ್ನು ನೀಡಿ ಸಹಕರಿಸುವಂತೆ ಬೆಂಗಳೂರು ಮಹಾನಗರ ಪ್ರದೇಶಾಭಿವೃದ್ಧಿ ಪ್ರಾಧಿಕಾರದ ಆಯುಕ್ತರು ಸಾರ್ವಜನಿಕರನ್ನು ಕೋರಿದ್ದಾರೆ

(ದಟ್ಸ್ ಕನ್ನಡ ವಾರ್ತೆ)