ಕೋಲಾರದಲ್ಲಿ ನಿಗೂಢ ಸ್ಫೋಟ: 2 ನಾಯಿ ಸಾವು

ಕೋಲಾರ, ಜ.24: ಕೋಲಾರದ ಸರಕಾರಿ ಆಸ್ಪತ್ರೆ ಬಳಿ ಇರುವ ಕಸದತೊಟ್ಟಿಯಲ್ಲಿ ಶನಿವಾರ(ಜ.24) ಬೆಳಗ್ಗೆ ನಿಗೂಢವಾಗಿ ಸ್ಫೋಟ ಸಂಭವಿಸಿದೆ. ಸ್ಫೋಟದ ತೀವ್ರತೆಗೆ ಸ್ಥಳದಲ್ಲೇ ಇದ್ದ ಎರಡು ಬೀದಿ ನಾಯಿಗಳು ಮೃತಪಟ್ಟಿವೆ.

ಪೊಲೀಸ್ ಪ್ರಧಾನ ಕಚೇರಿ ಮೂಲಗಳ ಪ್ರಕಾರ ಯಾವುದೇ ವ್ಯಕ್ತಿಗೂ ಪ್ರಾಣಹಾನಿ ಸಂಭವಿಸಿಲ್ಲ. ಕಸದ ತೊಟ್ಟಿಯಲ್ಲಿನ ಆಹಾರಕ್ಕಾಗಿ ನಾಯಿಗಳು ಕಿತ್ತಾಡುತ್ತಿರಬೇಕಾದರೆ ಸ್ಫೋಟ ಸಂಭವಿಸಿದೆ . ಬಾಂಬ್ ನಿಷ್ಕ್ರಿಯ ದಳ ಮತ್ತು ಫೋರೆನ್ಸಿಕ್ ತಜ್ಞರು ಘಟನಾ ಸ್ಥಳಕ್ಕೆ ತಕ್ಷಣ ಆಗಮಿಸಿದರು,ತನಿಖೆ ಮುಂದುವರಿಯುತ್ತಿದೆ.

ಗಣರಾಜ್ಯೋತ್ಸವ ದಿನ ಹತ್ತಿರವಾಗುತ್ತಿದ್ದಂತೆ ನಿಗೂಢ ಸ್ಫೋಟ ಸಂಭವಿಸಿದುರುವುದು ಹಲವಾರು ಅನುಮಾನಗಳನ್ನು ಹುಟ್ಟುಹಾಕಿದೆ. ಕೋಲಾರ ನಗರದಲ್ಲಿ ಆತಂಕದ ವಾತಾವರನ ನಿರ್ಮಾಣವಾಗಿದೆ.

(ದಟ್ಸ್ ಕನ್ನಡ ವಾರ್ತೆ)